Supreme Court Ne Tejapaal Ki Antarim Jamaanat 27 June Tak Badhaai

Breaking »

Supreme Court Ne Tejapaal Ki Antarim Jamaanat 27 June Tak Badhaai

Nai Delhi: Supreme court ne yaun utpeedn maamale mein aaropi tahalaka ke sansthaapak sampaadak tarun tejapaal ki antarim jamaanat aaj 27 June tak badha di. nyaayamoorti JS khehad aur nyaayamoorti si naagappan ne yeh kehte hue antarim jamaanat badhaai ki 'Unhein yeh raahat pehle di gayi hai. ' tejapaal ki or se poorv videsh mantri evam varishth adhivakta Salman khursheed ne bahas karte hue kaha ki unki maan ke nidhan ke baad hone vaale kuchh dhaarmik sanskaar hone hain tatha antarim jamaanat kam se kam aur teen saptaah badhaai jaae. peeth ne kaha, hamein iska ek achha kaaran bataaiye ki unhein antarim jamaanat kyon naheen di jaani chaahiye. Laal feetaashaahi ke chalte vah apni maan ke antim sanskaar mein hissa naheen le sake aur is adaalat ko uske badle kuchh karna chaahiye. Goa police ke adhivakta ne is arji ka yeh kehte hue virodh kiya ki aaropi ko jail ke bheetar sim card ka istemaal karte paaya gaya aur aise aarop hain ki usane maamale mein jaanch adhikaari ko dhamakaaya aur peedita ki maan ko prabhaavit karne ka prayaas kiya. unhonne kaha, hamaare paas aaropi ki arji ka virodh karne ke thos aashankaaen aur kaaran hain.

Supreme Court Ne Tejapaal Ki Antarim Jamaanat 27 June Tak Badhaai https://www.angrejinews.com/pic/52636