Supreme Court Ne Sahaara Ko Sanpattiyaan Bechne Ki Ijaajat Di

Breaking »

Supreme Court Ne Sahaara Ko Sanpattiyaan Bechne Ki Ijaajat Di

File photo File photo Nai Delhi: Supreme court ne sahaara samooh ko videsh mein teen hotelon ki bhaageedaari bechakar dhan ki vyavastha karne ke liye apne karjadaata bank of China se sampark karne ki aaj anumati de di. Isse jail mein band samooh ke mukhiya subrat rai ko chhodvaane ke liye jamaanat raashi ki vyavastha karne mein madad mil sakti hai. lekin court ne apne pehle ke aadesh mein sudhaar ke liye rai ki nai yaachika par faisala surakshit rakha. Court ne us aadesh ke tahat rai se paanch hajaar karod rupae nakad bhugataan karne aur itni hi raashi ki bank guaranty dene ko kaha hai. sahaara samooh ne apne nae prastaav mein kaha hai ki vah paanch din ke bheetar teen hajaar karod rupae jama kar dega aur baaki do hajaar karod rupae agale 30 din ke bheetar jama karega. Samooh London mein ek hotel aur New York mein do hotelon mein apni bhaageedaari bechne kar 60 din ke bheetar baaki ke paanch hajaar karod rupaye ki bank guaranty bhi jama kar dega. Justice teerath Singh thaakur aur Justice AK seekari ki khandapeeth ne kaha ki sahaara samooh bank of China se patraachaar karega, jisne videshon mein hotel khareedne ke liye kaafi badi dhanaraashi karj ke roop mein di hai. Sahaara ko is patraachaar ke nateeje ke baare mein ek saptaah ke bheetar halafnaama daakhil karna hoga. is maamale ki teen ghante se adhik samay tak sunavaai ke baad antim kshanon mein nyaayaadheeshon ne kaha, 'Ham nau sampattiyon (company ki soochi mein shaamil) ko bechne ki aapko anumati dete hain. Ham aapko dhan ki vyavastha karne ke liye enbi valley ko girvi rakhane ki bhi anumati dete hain. ' isse pehle, nyaayaalaya ne sahaara samooh se kaha tha ki chaar March se jail mein band subrat rai ki rihaai ke liye use paanch hajaar karod roopae nakad aur itni hi raashi ki bank guaranty deni hogi.

Supreme Court Ne Sahaara Ko Sanpattiyaan Bechne Ki Ijaajat Di https://www.angrejinews.com/pic/52145