Supreme Court Ne Poochha, Asurakshit Aam Aadmi Aur Suraksha Mukesh Ambani Ko

India »

Supreme Court Ne Poochha, Asurakshit Aam Aadmi Aur Suraksha Mukesh Ambani Ko

nai Delhi. . Supreme court ne kendra sarkaar se desh ke sabse ameer shakhs mukesh Ambani ko Z plas security dene par javaab-talab kiya hai. Court ne sarkaar se poochha hai ki aakhir Ambani ko Z plas security kyon di gayi? Court ne kaha ki kya maakool suraksha rahati to 5 saal ki maasoom bachchi ke saath rape hota? Gaurtalab hai ki is maamale mein Delhi police ki avval darje ki laapaaravaahi saamane I thi. Police ne aaropi ko pakadne ke bajaay 2000 rupae dekar peedita ke pita ko chup rakhane ki koshish ki thi. Supreme court ne Reliance industries pramukh mukesh Ambani ki suraksha par sarkaar ke faisale kaha ki aise vyaktiyon ko suraksha kyon pradaan ki ja rahi hai jabki aam aadmi khud ko asurakshit mahasoos kar raha hai. Court ne aise vyaktiyon ko suraksha pradaan karne par sarkaar ki khinchaai karte hue kaha ki desh mein suraksha ki kami ke kaaran aam log asurakshit hain. Adaalat ne kaha ki ameer log private suraksha agencyon ki sevaaen le sakte hain. Justice ji. S. Singhavi ki adhyakshata waali bench ne Ambani ka naam liye bagair hi kaha, 'Humne akhbaaron mein padha ki gruh mantraalaya ne ek vyakti ko keindreeya audyogik suraksha bal ki suraksha pradaan karne ka nirdesh diya hai. Sarkaar aise shakhs ko suraksha kyon pradaan kar rahi hai. ' bench ne kaha, 'Yadi unki suraksha ko khatre ka andesha hai to unhein niji suraksha karmiyon ki sevaaen leni chaahiye. Punjab mein niji kaarobaariyon ko suraksha pradaan ki jaati hai lekin ab yah sanskruti Mumbai tak pahunch gayi hai. ' court ne kaha, 'Hamaara kisi vyakti vishesh ko suraksha pradaan karne se koi sarokaar naheen hai lekin ham to aam aadmi ki suraksha ko lekar chintit hain. ' bench ne sarkaar dvaara logon ko di gayi suraksha aur laal batti gaadiyon ke durupayog ke khilaaf uttar pradesh nivaasi ki yaachika par sunavaai ke dauraan ye tippaniyaan ki. Supreme court ne poochha ki 5 saal ki bachchi se Delhi mein din-dahaade rape ho raha hai, aise maamalon mein maakool suraksha kyon naheen di jaati? Inki suraksha kaun karega? Jaahir hai VIP security ke mudde par sarkaar gambhir rahati hai lekin aam naagrikon ki suraksha par sarkaar ki sanvedanasheelata hamesha savaalon ke ghere mein rahati hai. Supreme court ne isi aadhaar par kendra sarkaar ko kataghare mein khada kiya hai. Mukesh Ambani ko jab Z plas security dene ka kendra sarkaar ne faisala kiya to kai tarah se savaal khade hone lage the. Aam aadmi party ke raashtreeya sanyojak Arvind Kejriwal ne bhi savaal khada karte hue kaha tha ki kya ek arabpati ko suraksha sarkaar ke kharche par milegi. Unhonne poochha ki Ambani ko Z plas security dene ki vajah kya hai. Kendra sarkaar ne apni badhti aalochna ke maddenajar baad mein safaai di ki unki suraksha mein jo kharch aaega vah Ambani khud vahan kareinge. Ab Supreme court ki taraf se savaal khade kiye jaane ke baad sarkaar ke liye javaab dena itna aasaan naheen hoga. Delhi police filhaal chautarafa savaalon ke ghere mein hai. Delhi police commissioner neeraj Kumar seedhe nishaane par hain. Unhein barkhaast karne ki maang BJP se lekar Congress tak kar rahi hai.

Supreme Court Ne Poochha, Asurakshit Aam Aadmi Aur Suraksha Mukesh Ambani Ko https://www.angrejinews.com/pic/7340