Supreme Court Ne Paurn Saaiton Par Ban Ke Baare Mein Maanga Javaab

Breaking »

Supreme Court Ne Paurn Saaiton Par Ban Ke Baare Mein Maanga Javaab

Nai Delhi. . Supreme court ne Internet par ashleel websiton ko ban karne aur in par paabandi ke liye daayar yaachika par somvaar ko kendra sarkaar se javaab talab kiya. Cheef Justice altamas kabeer ki adhyakshata waali teen sadasyeeya bench ne soochana evam praudyogiki mantraalaya, soochana prasaaran mantraalaya, gruh mantraalaya aur Bhaarat mein Internet service pravaaidar asosiyeshan ko bhi notice jaari kiye. Indore sthit vakeel Kamlesh vaasavaani ne yaachika mein kaha hai ki in ashleel website mahilaaon ke prati aparaadh ka ek bada kaaran hain. Yaachika ke anusaar bachchon se sambandhit ashleelta dikhaai ja rahi hai aur bahut se bachche use dekhte hain jisse un par galat asar pad raha hai. Court shuroo mein is yaachika par vichaar karne ka ichhuk naheen tha. Court ka mat tha ki is masale se soochana praudyogiki kaanoon ke tahat nibta ja sakta hai. Lekin varishth vakeel M. N. Krushnaamani ka kehna tha ki cyber kaanoon ke tahat shikaayat daayar karna samasya ka samaadhaan naheen hai kyonki iske kuchh praavadhaan samvidhaan ke anuroop naheen hai. Yaachikaakarta ke vakeel vijay panjavaani ne kaha ki Internet kaanoon naheen hone ke kaaran in ashleel website ko dekhne ko badhaava milta hai kyonki aisa karna aparaadh naheen hai. Unhonne kaha ki is samay 20 karod se bhi jyaada ashleel vidiyo ya kliping baajaar mein upalabdh hain, jinhein Internet aur vidiyo seedi se seedhe hi daaunalod kar liya jaata hai. Yaachika mein kaha gaya hai ki mahilaaon, ladkiyon aur bachchon ke prati hone vaale adhikaansh aparaadh inhein ashleel website se prerit hote hain.

Supreme Court Ne Paurn Saaiton Par Ban Ke Baare Mein Maanga Javaab https://www.angrejinews.com/pic/5637