Supreme Court Ki Nigraani Ke Bina Helicopter Saude Ki Jaanch Bekaar BJP

Breaking » Thursday, February 14, 2013

Pune: Bhaarateeya janta party ne aaj maang ki hai ki 4,000 karod rupaye ke VVIP helicopter saude mein bhrashtaachaar ki jaanch Supreme court ki nigraani mein karaai jaae. BJP pravakta prakaash jaavadekar ne kaha ki yah jaanch tabhi samay par poori ho paaegi aur nateeja day paaegi, jab iski nigraani Supreme court kar raha ho, varana yah leepa-poti bankar rah jaaegi. Ullekhaneeya hai ki CBI is maamale mein is baat ki jaanch kar rahi hai ki Italy ki company finmekaanika se is saude ko moort roop dene ke liye kisi bhaarateeya adhikaari ko rishvat di gayi thi ya naheen. Is beech, sarkaar ne is company ko hone vaale bakaaya takareeban 24 sau karod rupaye ke bhugataan par filhaal rok laga di hai. Yah rok tab tak lagi rahegi jab tak CBI jaanch ke parinaam naheen aate. Vaheen, is mudde par Congress aur BJP ke beech aarop-pratyaarop ka daur shuroo ho gaya hai. Congress ne kaha hai ki teindar ki sharton mein 2003 mein badlaav hue, jab BJP ke netrutv mein NDA ki sarkaar satta mein thi aur brajesh mishra raashtreeya suraksha salaahakaar the. Vaheen, BJP ka kehna hai ki brajesh mishra ne special protekshan group yaani esapeeji ki salaah par badlaav ki maangein ki theen, kyonki jin VVIP logon ke liye ye helicopter khareede jaane the, unki suraksha ki jimmedaari esapeeji par hi hai. BJP ka yah bhi kehna hai ki helicopter ke saude par 2010 mein hastaakshar hue, jis vakt Congress neet UPA sarkaar satta mein thi aur isliye sarkaar ko iski jimmedaari leni chaahiye aur saude se faayda uthaane vaale logon ke naam jaahir karne chaahiye.