Supreme Court Ke Chalte Telecom Sector Ki Growth Ruki Sibbal

Business » Thursday, April 4, 2013

iti bureau nai Delhi kamyunikeshans end infaurmeshan technology ministar Kapil sibbal ne Supreme court ko aade haathon lete hue kaha hai ki desh ki sarvochch adaalat ki dakhalandaaji ki vajah se telecom sector ki growth ruk gayi hai. Industry baudi CII ki enual general meeting mein unhonne kaha, 'Telecom sector ne ek samay sone ke ande diye. Supreme court ne yah pakka kar diya hai ki aisa dobaara na ho. ' sibbal ne kaha ki 2010 se hi telecom sector ko lekar court ke sabhi faisale aise rahe hain, jinse ise koi faayda naheen huaa hai. Unhonne kaha, '2010 se 2013 ke beech kai prayog aur court ke aadesh aur kaig ke spectrum aavantan mein sarkaari khajaane ko 1.76 lakh karod rupae ke nuksaan ke anumaan ke baad hamaari jholi mein keval 1,000 karod rupae aa sake hain. ' pichhle saal 2 January ko etihaasik faisale mein Supreme court ne 9 telecom companiyon ke 122 mobile paramit kainsal kar diye the. Supreme court ne sarkaar ko aadesh diya tha ki vah khaali spectrum ki market price par neelaami kare. Isse pehle 2012 mein 3ji aur beedablyooe spectrum ki neelaami se sarkaar ko 1,00,000 karod rupae se jyaada ki rakam mili thi. 2ji spectrum ki neelaami ka faisala sarkaar ke liye paise ki barasaat naheen kar saka, balki isse kuchh maujooda telecom companiyaan market se baahar ho gain. Sibbal ne kaha, 'Iska kya nateeja nikla? Call daron mein badhotri hui. Iska matlab yah hai ki kam se kam kanjyoomars ko to isse faayda naheen huaa. Sector 2,50,000 karod rupae ke karj mein dab gaya. Isliye telecom industry ko bhi isse faayda naheen huaa. Vaheen, sarkaar ko sirf 1,000 karod rupae mile. Iska matlab yah hai ki yah uske hak mein bhi naheen tha. Main jaanana chaahata hoon ki isse kise faayda huaa. ' unhonne tark diya ki paulisi banaane mein court ke dakhal se bhaari dikkatein paida ho gayi hain, kyonki court ko aarthik paulisi ke masalon se nipatne ka anubhav naheen hai. Unhonne kaha, 'Agar court ikanaumi ke kisi khaas sector ke liye khud paulisi banaata hai aur bhavishya ki raah tay karta hai, to isse bhaari mushkilein hongi kyonki, court ke paas iska koi anubhav naheen hai. Na hi unke paas anubhav se seekhane ke saadhan hain. '