Supreme Court Ka Sahaara Ko Aur Samay Dene Se Inkaar

Business »

Supreme Court Ka Sahaara Ko Aur Samay Dene Se Inkaar

Nai Delhi: Apne niveshakon ko 24 hajaar karod rupaye lautaane ke liye kuchh aur samay milne ki sahaara samooh ki antim ummeed uchchatam nyaayaalaya ne khatm kar di. Pradhaan nyaayaadheesh altamas kabeer ki adhyakshata waali khandapeeth ne sahaara samooh ko aur samay dene se inkaar karte hue February ke pratham saptaah tak niveshakon ka dhan lautaane ki nyaayik aadesh ka paalan naheen karne ke liye use aade haathon liya. Isi khandapeeth ne sahaara samooh ki do companiyon ko niveshakon ka dhan lautaane ke liye poorv mein nirdhaarit avadhi badhaai thi. Nyaayaadheeshon ne sakht lahaje mein kaha, 'Yadi aapne hamaare aadeshaanusaar dhan naheen lautaaya hai to aapko nyaayaalaya mein aane ka koi hak naheen banta hai. ' unhonne kaha ki yah samay sirf isliye badhaaya gaya tha taaki niveshakon ko unka dhan vaapas mil sake. Sahaara samooh ke mukhiya subrat rai aur iski do companiyaan sahaara India real estate Corporation aur sahaara housing investament Corporation pehle se hi ek anya khandapeeth ke samaksh nyaayaalaya ki avamaanana ki kaaryavaahi ka saamana kar rahi hain. Is khandapeeth ne niveshakon ka dhan lautaane ke aadesh ka paalan naheen karne ke kaaran chhah February ko SEBI ko sahaara samooh ki do companiyon ke khaate jabt karne aur usaki sanpattiyaan kurk karne ka aadesh diya tha. Sahaara samooh ke maamale ki sunavaai shuroo hote hi uchchatam nyaayaalaya baar association ke adhyaksh M krushnaamoorti ne khade hokar pradhaan nyaayaadheesh ki adhyakshata waali khandapeeth dvaara iski sunavaai karne par aapatti ki. Unka kehna tha ki is peeth ko maamale ki sunavaai naheen karni chaahiye kyonki niveshakon ko dhan lautaane ka aadesh doosari khandapeeth ne diya tha.

Supreme Court Ka Sahaara Ko Aur Samay Dene Se Inkaar https://www.angrejinews.com/pic/2809