Super Cup Ko Lekar East Bengal Mein Badha Vivaad

Sports »

Super Cup Ko Lekar East Bengal Mein Badha Vivaad

Nai Delhi Super cup se naam vaapas lene ke maamale mein I-league club kves East Bengal ke bheetar vivaad badhkar saamane aa gaya hai. East Bengal ne Budhvaar ko akhil bhaarateeya football mahaasangh (AIFF) ko ek patra ke jariye bhuvaneshvar mein 15 March se hone vaale toornameint se baahar hone ke baare mein jaankaari di. Lekin club ke sachiv kalyaan majoomadaar ne kaha ki abhi tak is par antim nirnaya naheen liya gaya hai. I-league ke 6 anya clubon ne bhi East Bengal ke saath super cup mein hissa naheen lene ka nirnaya liya hai aur is aashay ka imel bheja hai. Majoomadaar ne kaha, 'Humne sabhi clubon se E-mel par dobaara vichaar karne ka nirnaya ko kaha hai. Club khelna chaahata hai. Isliye jinhonne mel bheja, unhein hamaare saath baithakar is mudde par baatcheet karan chaahiye. ' East Bengal ke adhikaari debabrata sarkaar ne kaha ki unhonne media mein jaari report dekhi aur iske baare mein unhein koi jaankaari naheen hai. Sarkaar ne kaha, 'Ham kves ke Chairman ko likheinge. Ham toornameint mein bhaag lene ke paksh mein hain. Ham club ke itihaas mein kabhi bhi maidaan se door naheen bhaage. ' lekin, kves East Bengal ke CEO sanjeet sen ne sampark karne par bataaya ki clubon ne ek bayaan jaari kiya hai, jismein kaha gaya hai ki 'Humne ek saath milkar aagaami super cup 2019 se apni teemon ko baahar nikaalne ka nirnaya liya hai. ' Sen ne club ke sachiv aur adhikaari ke bayaan par pratikriya dete hue kaha, 'Main naheen jaanta ki kisne kya report kiya hai, lekin main yeh kah sakta hoon ki ham apne bayaan par tike raheinge jo ekasaath jaari kiya gaya hai. '

Super Cup Ko Lekar East Bengal Mein Badha Vivaad https://www.angrejinews.com/pic/261265