'Super Area Se Ulloo Naheen Bana Paaenge Bildar

Business »

'Super Area Se Ulloo Naheen Bana Paaenge Bildar

nayi Delhi. . Reeyal estate kshetr ke niyman ke liye prastaavit vidheyak mein vikaas praadhikranon ke liye kaarapet area ke aadhaar par bhavan yojana ko manjoori dene ki anivaaryata hogi. Ek uchch sarkaari adhikaari ne yah jaankaari di. Sarkaar reeyal estate (niyman evam vikaas) bill ko sansad ke agale session mein pesh karegi. Aavaas kshetr par Assocham ke ek sammelan ko sambodhit karte hue aavaas evam shahari gareebi unmoolan mantraalaya ke sachiv arun Kumar mishra ne kaha ki bill mein keval kaarapet area ko maanyata di jaaegi. Assocham ke ek bayaan mein mishra ke havaale se kaha gaya, 'Sthaaneeya nikaayon evam vikaas praadhikranon ko kaarapet area ke aadhaar par naksha paas karna hoga aur iski anivaaryata hogi. Sarkaar super area ya bilt-ap area jaise anya maanakon ko maanyata naheen degi. ' raashtreeya rajdhani kshetr (NCR) mein reeyal estate devalapar super area ke aadhaar par makaanon ki bikri karte hain aur super area mein bilt-ap area ke saath lift, galiyaara, club house aur seedhiyaan jaisi aam suvidhaaon ki jagah shaamil hoti hai. Super area aamtaur par bilt-ap area se kareeb 25 pratishat adhik hota hai.

'Super Area Se Ulloo Naheen Bana Paaenge Bildar https://www.angrejinews.com/pic/7572