Sunrisers Ko Rokane Ki Koshish Kareinge Royals

Cricket »

Sunrisers Ko Rokane Ki Koshish Kareinge Royals

Jaipur. . Pichhle do baahari maichon mein shikast jhelne ke baad Rajasthan Royals apne ghareloo maidaan par shanivaar ko IPL-6 ke match mein sunrisers Hyderabad se khelegi, to usaka iraada jeet ki raah par lautane ka hoga. Royals ne yahaan teenon match jeete hain, jisse unka aatmavishvaas badha hoga. Haalaanki chennai super kings aur royal Challengers baingaluru ke khilaaf unke ghareloo maidaanon par Rajasthan ko paraajaya jhelni padi thi. Vajanadaar hain Watson: Rajasthan ke liye sakaaraatmak pahaloo Shane Watson ki form hai, jinhonne achhi boling karne ke alaava chennai ke khilaaf century bhi jadi. Chennai ke khilaaf Rajasthan ke baitsamainon ne chaar wicket par 185 run banaae, jismein Watson ki bhoomika aham rahi. Hyderabad ke khilaaf bhi unase isi pradarshan ki ummeed hogi. Captain Rahul Dravid ka maanana hai ki yah dekhna aham hoga ki pichhle do maichon mein mili haar ke baad unke khilaadi kaise apne maidaan par majabooti se vaapasi kar paate hain. Badh gaye vikalp: Watson, Dravid aur ajinkya rahaane ke rahate Rajasthan ki batting achhi hai. Braid haug, stuart binni aur dishaant yaagnik ne bhi apeksha ke anuroop khel dikhaaya hai. Bauling mein bhi Watson ke aane se vikalp badhe hain. James faakaner aur siddhaarth trivedi ne lagaataar achha pradarshan kiya hai. Lekin S shreeshaant apeksha par khare naheen utar sake hain. Ajit chandeela aur ankit chavhaan ke roop mein unke paas achhe spinner bhi hain. Hyderabad ke haalaat: Doosari or pichhle match mein chennai se haare sunrisers Hyderabad bauling par adhik nirbhar hai. Shikhar dhavan ki vaapasi aur 63 run ki paari se unki batting bhi majaboot hoti dikh rahi hai. Captain Kumar sangakaara aur paarthiv Patel form mein naheen hain, jisse aasheesh Reddy, tisaara parera, Cameroon vaait aur daren saimi par jimmedaari badh gayi hai. Dale sten ki aguaai mein Hyderabad ka bauling ataik majaboot hai. Ishaant sharma, amit mishra aur parera ne bhi ab tak milkar 42 wicket le liye hain.

Sunrisers Ko Rokane Ki Koshish Kareinge Royals https://www.angrejinews.com/pic/6867