Sunrisers Ke Pehle Match Mein Naheen Kheleinge Shikhar

Cricket »

Sunrisers Ke Pehle Match Mein Naheen Kheleinge Shikhar

agencyan . Hyderabad IPL -6 ki nai team sunrisers Hyderabad ko tournament ki shurooaat se pehle tab jhatka laga jab star opener shikhar dhavan chot ke kaaran kam se kam 5 April ko Pune Warriors ke khilaaf hone vaale team ke pehle match se baahar ho gaye. Sunrisers ke coach Tom moodi ne shukravaar ko kaha, 'Shikhar dhavan pehle match ke liye upalabdh naheen raheinge. Unki pragati ko lekar ham BCCI aur medical team ke saath milkar kaam kar rahe hain. Hamein ummeed hai ki kuchh hafton mein shikhar team ke saath judne ke liye upalabdh ho jaaenge. ' test cricket ke itihaas mein padaarpan karte hue Australia ke khilaaf sabse tej century lagaane vaale dhavan ko isi match mein chot lag gayi thi. Achhi hai IPL ki taiyaari : Yah poochhe jaane par ki shikhar dhavan kitne maichon mein naheen khel paaenge to moodi ne kaha, 'Ab tak hamein is baare mein naheen maaloom. Ham ummeed kar rahe hain ki unki haalat mein teji se sudhaar hoga. Hamaari team mein yuva aur anubhavi khilaadiyon ka achha mishran hai aur khilaadiyon ke beech ekajutata ko badhaane ki disha mein prayaas kiye ja rahe hain. IPL ki taiyaari achhi ho rahi hai. Humne khilaadiyon ke saath kaafi baithak ki hain. Mainne, bauling coach vakaar yoonus aur hamaare asisteint coach ne. Humne har khilaadi ko niji taur par kaafi vakt diya hai. ' kaafi nae chehare hain : Moodi ne kaha, 'Beshak hamaare liye yah naya hai. Kaafi nae chehare hain, jinke baare mein jaanane ki jaroorat hai. Isliye khilaadiyon ko jaanane mein hamein kaafi samay bitaaya. Agale kuchh dinon mein kaafi intaranaishanal khilaadiyon ko aana hai. Hamein ise lekar romaanchit hain. ' sangakaara aur parera ke maamale se adhikaari nipteinge : Sunrisers team mein Sri Lanka ke do khilaadiyon Kumar sangakaara aur tishaara parera ki baabat moodi ne kaha, ' in khilaadiyon ke chennai mein naheen khel paane ke maamale se adhikaari nipteinge. Humne is naajuk sthiti se nipatne ka jimma adhikaariyon par chhod diya hai. Donon khilaadi jald rahe hain aur mujhe yakeen hai ki khilaadi chennai mein is mudde se nipat leinge. ' vakaar bole, achhi ikaai banaaenge : Is beech, sunrisers Hyderabad team ke bauling coach vakaar ne kaha ki yah unke liye badi chunauti hogi. Vakaar ne kaha, 'Yah mere liye kaafi romaanchak hoene ke saath saath badi chunauti bhi hai. Main pehli baar IPL ka hissa hoon. Ummeed karta hoon ki Tom moodi aur main, Dale sten, Ishaant sharma aur kaafi anya khilaadi milkar achhi ikaai banaaenge aur achha pradarshan karne ki koshish kareinge. Main, Dale sten aur Ishaant sharma jaise anubhavi khilaadiyon ke saath kuchh naheen kareinge lekin yang khilaadiyon ka dhyaan rakheinge. VVS Lakshman ke team mentor banane se team ko kaafi faayda hoga. '

Sunrisers Ke Pehle Match Mein Naheen Kheleinge Shikhar https://www.angrejinews.com/pic/3815