Sunrisers Hyderabad Ke Pehle Match Mein Naheen Kheleinge Dhavan

Cricket »

Sunrisers Hyderabad Ke Pehle Match Mein Naheen Kheleinge Dhavan

Hyderabad. . IPL ki nai team sunrisers Hyderabad ko tournament ki shurooaat se pehle jhatka laga jab star khilaadi shikhar dhavan chot ke kaaran kam se kam paanch April ko Pune Warriors ke khilaaf hone vaale team ke pehle match se baahar ho gaye. Sunrisers ke coach Tom moodi ne aaj yahaan samvaadadaataaon se kaha, 'Shikhar dhavan pehle match ke liye upalabdh naheen raheinge. Unki pragati ko lekar ham BCCI aur medical team ke saath milkar kaam kar rahe hain. ' unhonne kaha, 'Hamein ummeed hai ki kuchh hafton mein vah team ke saath judne ke liye upalabdh ho jaaega. ' test cricket ke itihaas mein padaarpan karte hue Australia ke khilaaf sabse tej shatak lagaane vaale dhavan ko isi match mein chot lag gayi thi. Yah poochhane par ki dhavan kitne maichon mein naheen khel paaenge, moodi ne kaha, 'Ab tak hamein is baare mein naheen bata. Ham ummeed kar rahe hain ki usaki haalat mein teji se sudhaar hoga. ' moodi ne kaha ki unki team mein yuva aur anubhavi khilaadiyon ka achha mishran hai aur khilaadiyon ke beech ekajutata ko badhaane ki disha mein prayaas kiye ja rahe hain. Unhonne kaha, 'IPL ki taiyaari achhi ho rahi hai. Hamaara pehla aadhikaarik training session aaj dopahar hai. Humne khilaadiyon ke saath kaafi meetings ki hain. Mainne, geindabaaji coach vakaar Younis aur hamaare sahaayak coach ne. Hamein pratyek khilaadi ko vyaktigat taur par kaafi samay diya hai. ' moodi ne kaha, 'Beshak hamaare liye yah naya hai. Kaafi nae chehare hain jinke baare mein jaanane ki jaroorat hai. Isliye khilaadiyon ko jaanane mein hamein kaafi samay bitaaya. ' coach ne kaha, 'Agale kuchh dinon mein kaafi antararaashtreeya khilaadiyon ko aana hai. Ham ise lekar romaanchit hain. ' team mein Sri Lanka ke do khilaadiyon Kumar sangakaara aur thisaara parera ke sandarbh mein moodi ne kaha ki in khilaadiyon ke chennai mein naheen khel paane ke maamale se adhikaari nipteinge. Unhonne kaha, 'Humne is naajuk sthiti se nipatne ka jimma adhikaariyon par chhod diya hai. Donon khilaadi aaj rahe hain aur mujhe yakeen hai ki khilaadi chennai mein is mudde se nipat leinge. ' is beech team ke geindabaaji coach vakaar ne kaha ki yah unke liye badi chunauti hogi. Vakaar ne kaha, 'Yah mere liye kaafi romaanchak hone ke saath saath badi chunauti bhi hai. Main pehli baar IPL ka hissa hoon. Ummeed karta hoon ki taam aur main, Dale sten, Ishaant sharma aur kaafi anya khilaadi milkar achhi ikaai banaaenge aur achha pradarshan karne ki koshish kareinge. ' vakaar ne jor dekar kaha ki vah Dale sten aur Ishaant sharma jaise anubhavi khilaadiyon ke saath kuchh naheen kareinge lekin yuva khilaadiyon ka dhyaan rakheinge. Unhonne saath hi kaha ki VVS Lakshman ke team mentor banane se team ko kaafi faayda hoga.

Sunrisers Hyderabad Ke Pehle Match Mein Naheen Kheleinge Dhavan https://www.angrejinews.com/pic/3793