Suneel Mittal Aur Ravi Ruiya Ki Yaachikaaon Par Sunavaai Tali

Business »

Suneel Mittal Aur Ravi Ruiya Ki Yaachikaaon Par Sunavaai Tali

PTI nai Delhi 2ji spectrum maamale mein bhaarati selyular limited ke seeemadi suneet bhaarati mittal aur essaar group ke promoter ravi ruiya ko jaari saman ke khilaaf daayar yaachika par Supreme court ne somvaar ko sunavaai taal di. Daraasal, judge Vikramjeet sen ke khud ko is sunavaai se alag karne ke kaaran maamale ko taalana pada. Cheef Justice altamas kabeer ki aguvaai waali teen sadasyeeya bench ne is maamale ki sunavaai ke liye 18 April ka vakt tay kiya hai. Is beech, CBI ne court se anurodh kiya hai ki ise Justice ji si singhavi ki aguvaai vaale bench ke paas bhej diya jaae, kyonki vahi 2ji spectrum se sambandhit maamale ki jaanch ki nigraani kar rahi hai. Cheef Justice ki aguvaai waali bench ne kaha ki vah CBI ki vishesh adaalat mein maamale ko sthagit karne ke aadesh ki avadhi ko badha rahi hai. Vishesh adaalat is maamale mein 22 April ko sunavaai karegi. Haalaanki, court ne mittal aur ruiya ko 2ji spekatram maamale ki sunavaai kar rahi vishesh adaalat ke saamane mangalvaar ko haajir hone ka nirdesh diya. Court ne kaha ki choonki yah maamala nichli adaalat mein mangalvaar ko tay hai, lihaaja yaachikaakarta vyaktigat roop se haajir honge aur peshi ke baare mein parsanal bond ki peshakash kareinge.

Suneel Mittal Aur Ravi Ruiya Ki Yaachikaaon Par Sunavaai Tali https://www.angrejinews.com/pic/5679