Suneel Ke Bete Ko Mil Rahe Top Mekars Se Ofar

Movies »

Suneel Ke Bete Ko Mil Rahe Top Mekars Se Ofar

Box office par beshak in dinon suneel Shetty ki kismat ke taare gardish mein chal rahe hon, lekin industry ke top mekars ko in dinon unke bete aahaan Shetty ka badi besabri se intajaar hai. Lambe arase baad industry ko kareeb sava chhah feet lamba tagada gabaroo javaan hero milne vaala hai. Aise mein, industry ka har bada mekar apni film se aahaan ko launch karna chaahata hai. Pichhle hafte apni nai film ke promotion ke silsile mein Delhi aae suneel Shetty ne enabeeti se hui baatcheet ke dauraan maana ki aahaan ko apni film mein lene ke liye industry ke kai naami bainars ne unhein aproch kiya hai. Doosari or, suneel chaahate hain ki aahaan poori taiyaari ke baad hi camere ka saamana kare. Suneel kehte hain, 'Main camere ke saamane aane ko bhi kisi jang ke maidaan mein utarane jaisa kadam maanata hoon. Donon hi morchon par kismat har baar saath naheen deti. ' filhaal suneel ki beti athiya ki pehli film 'Heeropanti' release ko taiyaar hai. Suneel kehte hain, 'Yakeenan mera saara dhyaan filhaal athiya ki is film par laga hai. Dekhna hai ki darshak aur critics athiya ka kaisa velakam karte hain. Mere kai dost chaahate the ki main athiya aur aahaan ko apne banner paupakaarn films ki kisi film se launch karoon, lekin main aisa naheen chaahata tha. Agar main aisa karta, to shaayad yeh in donon ke career ke liye jyaada faayademand saabit naheen hota. Har koi yahi kehta ki paapa ne bachchon ko star bana diya. ' suneel kehte hain ki filhaal unki company hold par hai. Aise mein ho sakta hai ki 'Heeropanti' ki release ke baad vah apne banner tale athiya ke saath film staart karein.

Suneel Ke Bete Ko Mil Rahe Top Mekars Se Ofar https://www.angrejinews.com/pic/49871