Sunday Ko Roobaroo Honge Neeteesh Aur Modi

India »

Sunday Ko Roobaroo Honge Neeteesh Aur Modi

- desh ke sabhi CM ravivaar ko juteinge - neeteesh aur Modi ki mulaakaat par hai sabki nigaah - teesare morche ki bhi pak sakti hai khichdi Narendra naath. Nai Delhi Bihar ke CM neeteesh Kumar aur Gujarat ke CM Narendra Modi ka bahut jald aamana-saamana ho sakta hai. Ravivaar ko donon ek kaaryakram mein shirkat kareinge. Is kaaryakram mein desh ke sabhi raajyon ke mukhyamantri bhaag leinge. Daraasal, mauka hai desh ke sabhi mukhyamantriyon aur cheef Justice ke sammelan ka. Beshak maujooda raajaneetik parivesh mein mukhyamantriyon ki is meeting par najar rahegi. Neeteesh aur Modi ek doosare se karte rahe hain parahej ek hi gathabandhan ka hissa hone ke baavajood neeteesh Kumar aur Narendra Modi ek doosare se parahej karte rahe hain. Daraasal neeteesh Kumar shuroo se dharmanirpeksh chhavi vaale PM ki vakaalat karte hue aparoksh roop se Narendra Modi ka virodh karte rahe hain. Is virodh ke beech neeteesh ki Congress se najadeeki bhi badhi hai. Shukravaar ko bhi JDU ne Gujarat ke mukhyamantri Narendra Modi ki aalochna ki aur kaha ki pradhaanamantri banane ki unki mahatvaakaanksha khule aam prakat ho gayi hai. Party pravakta shivaanand tivaari ne kaha ki raajya aur desh ki seva ke beech antar karke Narendra Modi ne pradhaanamantri banane ki apni mahatvaakaanksha ko khule aam jaahir kar diya hai. Unhonne apni party ka rukh duharaate hue kaha ki desh ke pradhaanamantri ka ummeedavaar dharmanirpeksh chhavi ka hona chaahiye. Jaahir hai, is kadvaahat ke beech jab donon ek kaaryakram mein shirkat kareinge aur aamne-saamane honge to kis tarah ve ek-doosare se milte hain, yah dekhna rochak hoga. Teesare morche ke pairokaar bhi juteinge desh mein gair Congressi aur gair BJP dhaara ke beech teesare morche ki baat bhi uth rahi hai. Uske bhi sambhaavit rananeetikaar is meeting mein aaenge. Jahaan neeteesh Kumar pichhle dinon sabhi pichhde CM ke manch par aane ki baat kahi thi, vaheen mulaayam Singh Yadav ne bhi iski baat kahi thi. Mamata Bannerjee, naveen patanaayak bhi teesare morche ke sambhaavit plaan ka hissa hain. Aise mein inke beech meeting ke bahaane kya khichdi pakati hai, is par bhi sabon ki najar rahegi.

Sunday Ko Roobaroo Honge Neeteesh Aur Modi https://www.angrejinews.com/pic/4636