Sultaan Ajalan Shaah South Korea Ne Bhaarat Ko Draw Par Roka

Sports »

Sultaan Ajalan Shaah South Korea Ne Bhaarat Ko Draw Par Roka

Ipoh (malayeshiya)antim minute mein penalty corner par gol khaane ke chalte Bhaarat ko yahaan jaari 28vein sultaan ajalan shaah cup hockey toornameint ke apne doosare match mein ravivaar ko dakshin Korea se 1-1 se draw khelna pada. Bhaarat ne toornameint ke apne pehle match mein shanivaar ko Asiaee champion Japan ko ektarfa andaaj mein 2-0 se shikast di thi, lekin doosare match mein use dakshin Korea se ank baantane par majaboor hona pada. Bhaarateeya team ki or se manadeep Singh ne 28vein minute mein gol daage jabki dakshin Korea ki or se jonghayun jeing ne antim minute mein gol kiya. Bhaarateeya team ko mukaabale ke pehle hi kvaurtar mein penalty corner mila, lekin amit rohidaas geind ko apne niyantran mein naheen rakh paae aur pehla kvaurtar gol rahit raha. Doosare kvaurtar mein bhi Bhaarat ko penalty corner haasil hua, lekin is baar bhi amit ke shot ko dakshin Korea ko goalkeeper ne sev kar diya. Match ke 28vein minute mein manadeep ne behatareen strike ke jariye gol kar Bhaarat ko 1-0 ki badhat dila di. Bhaarat ne is badhat ko half time tak barkaraar rakha. Half time ke baad dakshin Korea ne bhi apna penalty corner ganva diya aur teesare kvaurtar ki samaapti tak bhaarateeya team mukaabale mein 1-0 se aage thi. Chauthe aur antim kvaurtar mein Korea ne aakraamak shuruaat ki aur bhaarateeya rakshaapankti mein khalabali macha di. Match samaapt hone mein aath minute ka hi samay bacha tha ki baarish shuroo ho gayi aur fir khel ko kuchh samay ke liye rok diya gaya. Baarish thamane ke baad khel jab dobaara shuroo hua aur Korea ko fir se penalty corner mila jo ki bekaar chala gaya. Mukaabala samaapt hone se 51 second pehle hi Korea ne fir se penalty corner haasil ki aur is baar fir vah baraabari haasil karne se chook gaya. Iske baad jeing ne ek anya penalty corner par behatareen gol kar Korea ko 1-1 se baraabari dila di aur Bhaarat ko aakhirkaar ank baantane ke liye majaboor hona pada. Bhaarateeya team ab apna agala mukaabala 26 March ko Canada se khelegi.

Sultaan Ajalan Shaah South Korea Ne Bhaarat Ko Draw Par Roka https://www.angrejinews.com/pic/263217