Sudeeraman Cup Mein Bhaarat Ki Cheen Ke Haathon Karaari Haar

Sports »

Sudeeraman Cup Mein Bhaarat Ki Cheen Ke Haathon Karaari Haar

Kuala Lumpur. . Bhaarat ko sudeeraman cup mishrit team badminton championship mein apne group ke shuruaati match mein cheen ki majaboot team ke haathon 0-5 se karaari haar jhelni padi. Keval pi vi sindhu hi mahila ekal mein vaang yihaan ko kuchh chunauti day paain, lekin chaar anya khilaadiyon ko karaari haar ka saamana karna pada. Sindhu ne yah match 21-19, 16-21, 14-21 se ganvaaya. Group A ka yah mukaabala mishrit yugal match se shuroo huaa. Tarun kona aur ashvini ponappa ki jodi keval 29 minute mein chyaang naan aur jhaao yunalei se 10-21, 13-21 se haar gayi. Doosare match mein pi kashyap purush ekal mein duniya ke number do khilaadi chen long ka koi javaab naheen day paae, jinhonne yah match 21-11, 21-9 se jeeta. Akshay devaalakar aur pranav Chopra purush yugal mein liyu jhiyoolong aur kiyu jhiyaan ko chunauti dene ke baavajood seedhe game mein 23-25, 18-21 se haar gaye jabki mahila yugal mein ashvini ponappa aur pranaya gaadare ko 18-21, 11-21 se haar ka saamana karna pada. Saaina Nehwal ki anupasthiti mein Bhaarat ke liye mukaabala kaafi kathin tha. Sindhu ne haalaanki achhi chunauti pesh ki. Unhonne vaang yihaan ko aasaani se naheen jeetne diya. Yah match ek ghante chhah minute tak chala. Bhaarat group A mein apne doosare aur aakhiri match mein somvaar ko Indonesia se bhidega.

Sudeeraman Cup Mein Bhaarat Ki Cheen Ke Haathon Karaari Haar https://www.angrejinews.com/pic/9030