Sudeepto Sen Chaar Din Ke Traanjit Remand Par Police Ke Havaale

Breaking » Wednesday, April 24, 2013

Shreenagar/Kolkata. . Kashmir mein ek sthaaneeya adaalat ne shaarada chitfand ghotaale ke aaropi sudeept sen aur company ke do anya adhikaariyon ko Kolkata police ko chaar din ke traanjit remand par le jaane ki anumati di. Sudeepto ko flight se Delhi laaya jaaega aur vahaan se train se Kolkata le jaaya jaaega. Is beech, is maamale mein sudeepto sen ki ek chitthi saamane aane se Trinamool Congress dabaav mein aa gayi hai. Faraar hone ke pehle shaarada group ke seeemadi sudeepto sen ne ek khat CBI ko likha tha, jismein unhonne Trinamool Congress ke do Rajyasabha saansadon aur asam sarkaar ke ek mantri samet 22 logon par unase faayda uthaane ka aarop lagaaya hai. Shaarada group ke seeemadi sen ko company ke director debajaani mukharji aur ek anya adhikaari Arvind Singh chauhaan ke saath gandarabal ke cheef joodishl maijistret Parvez husain kaacharoo ki adaalat mein pesh kiya gaya, jinhonne Kolkata police ko traanjit remand ki manjoori day di. Teenon ko mangalvaar ko jile ke sonamarg ilaake se hiraasat mein liya gaya tha aur ab unhein Delhi ke raaste Kolkata le jaaya jaaega. Pashchim Bengal ki number plate waali ek skaurpiyo bhi jabt ki gayi. Sudeepto ne court se kaha hai ki vah Kolkata police ke saath poora sahayog karega. Sudeepto par laakhon logon ki jama poonji hadapane ka aarop hai. Is beech, angreji akhbaar Indian express ke havaale se khabar I hai ki sudeepto sen CBI ko ek 18 pej ka khat likha hai. Sootron ka kehna hai ki ismein kai netaaon aur adhikaariyon ke naam hain, jinhonne company ka beja istemaal kiya. Sen ne yah patra CBI ke kolakata office ko likha tha. Isse chitfand company aur netaaon-adhikaariyon ke beech saanthagaanth ka khulaasa ho sakta hai. Khat mein sen ne Trinamool ke saansadon samet 22 logon par unase blaikameling karne aur faayda lene ki shikaayat ki gayi hai. Unhonne bataaya hai ki kaise un par singur ke paas ek beemaar baaik company ko khareedne ka dabaav banaaya gaya tha.