Subrat Rai Se SEBI Ne Ki Ghante Bhar Poochhataachh

India »

Subrat Rai Se SEBI Ne Ki Ghante Bhar Poochhataachh

vishesh samvaadadaata . Nai Delhi teen karod se jyaada niveshakon ko kareeb 24 hajaar karod rupaye vaapas karne ke maamale mein sahaara gurap pramukh subrat rai aur company ke teen anya sheersh adhikaari Budhvaar ko SEBI ke saamane pesh hue. SEBI ne in chaaron se inki parisampattiyon aur nivesh ke baare mein poochhataachh ki. Haalaanki sahaara gurap ne SEBI par palatavaar karte hue kaha ki yah SEBI hi hai jo bhugataan mein deri kar raha hai. Ghante bhar hui poochhataachh : SEBI sootron ke mutaabik, SEBI mukhyaalaya par kareeb ek ghante ki is peshi ke dauraan subrat rai aur sahaara samooh ke daayarektars ashok rai chaudhari, ravi shankar doobe aur vandana bhaargav se unki vyaktigat aur sambandhit companiyon ki parisampattiyon ke baare mein poochhataachh ki gayi. Aisa isliye kiya gaya ki agar samooh ne niveshakon ke paise naheen lautaae to unki unki parisampattiyon ko neelaam kar niveshakon ka paisa lautaaya ja sake. Chai ko naheen poochha : SEBI ke saamane peshi ke baad subrat rai ne shikaayat bhare lahaje mein kaha ki unhein is baat ka ranj hai ki poochhataachh ke dauraan unase ek cup chai tak ke liye naheen poochha gaya. Unhonne kaha, maamale ko jabardasti kheencha raha hai. SEBI ne niveshakon ka pata lagaane mein bahut vakt barbaad kiya hai. Sooli par chadhne ko taiyaar : Ek channel se baatcheet mein subrat rai ne yah bhi kaha ki agar unki company mein kisi tarah ki dhaandhali ki pushti hoti hai to unhein faansi par chadha dena chaahiye. Sirf teen karod ki prauparti : Subrat rai ne yah bhi daava kiya ki unki kul prauparti sirf teen karod rupaye ki hai. Ek savaal ke javaab mein unhonne kaha ki sone ki joolari aur ratn samet unki kul prauparti 3 karod rupaye ki hai. Nakadi aur bank jama 34 lakh rupaye hai aur saavadhi jama 1.59 karod rupaye hai. Unhonne kaha ki badauli mein ek cheeni mil khareedne ke liye unhonne 11 karod rupaye karj liye the.

Subrat Rai Se SEBI Ne Ki Ghante Bhar Poochhataachh https://www.angrejinews.com/pic/5173