Subramaniym Ke Aarthik Vruddhi Ke Anumaan Mein Utpaadakat, Gunavatta Ko Chhod Diya Gaya CII

Business »

Subramaniym Ke Aarthik Vruddhi Ke Anumaan Mein Utpaadakat, Gunavatta Ko Chhod Diya Gaya CII

Nayi Delhi, 12 June (bhaasha) aarthik vruddhi ke aankade vishvasaneeyata ko lekar taaja bahas ke beech udyog mandal CII ne Budhvaar ko kaha ki poorv mukhya aarthik salaahakaar (seeie) Arvind subramaniym ne sakal ghareloo utpaad (GDP) vruddhi ke baare mein jo anumaan lagaae hain unamein utpaadakata aur gunavatta ko chhod diya aur ve keval maatra par aadhaarit hai. pichhle saal pad se hate subramaniym ne ek shodh patra mein kaha ki GDP aakalan ke taur-tareekon mein badlaav ke kaaran 2011-12 aur 2016-17 ke beech desh ki aarthik vruddhi dar ke vaarshik anumaanon ko ausatan kareeb 2.5 pratishat badha-chadhaakar pesh kiya gaya. is baare mein apni tippani mein CII ke mahaanideshak chandrajeet Bannerjee ne kaha ki bhaarateeya arthavyavastha jatil hai aur keval kuchh ginti ke sanketakon ke aadhaar par usaka aakalan naheen kiya ja sakta. Bannerjee ne kaha, ''Aisa lagta hai ki aarthik vruddhi anumaan mein poorv mukhya aarthik salaahakaar ne utpaadakata aur gunavatta ko bhula diya aur keval maatra par gaur kiya. GDP aankade ko adhik majaboot aur vyaapak rukh ke saath lena hota hai jismein vruddhi ko gati dene vaale sabhi tatv shaamil hon. '' udaaharan dete hue unhonne kaha ki krushi kshetr desh ki arthavyavastha mein 16-17 pratishat ka yogadaan hai lekin ise adhyayan mein shaamil naheen kiya. Vaheen GDP mein 50 pratishat se adhik yogadaan dene wala seva kshetr ko paryaapt roop se naheen darshaaya gaya hai. Bannerjee ke anusaar haal ke varshon mein IT tatha doorasanchaar kshetron arthavyavastha ka sarvaadhik gatisheel hissa hai. Yeh bhi nadaarad hai. Vaheen graameen sadak jaise kai dhaanchaagat kshetron ne kai saal tak dahaai ank mein vruddhi hui hai lekin report mein yeh gaayab hai.

Subramaniym Ke Aarthik Vruddhi Ke Anumaan Mein Utpaadakat, Gunavatta Ko Chhod Diya Gaya CII https://www.angrejinews.com/pic/280766