Student Ki Hatya Ke Aarop Mein 1 Giraftaar

India »

Student Ki Hatya Ke Aarop Mein 1 Giraftaar

ek samvaadadaata . Jeend police ne ek saptaah pehle badnapur gaanv mein hui dindahaade chhaatr ki hatya ke aarop mein ek yuvak ko giraftaar kiya hai. Aaropi se uske doosare saathiyon ke baare mein poochhataachh ki ja rahi hai. Samain gaanv nivaasi Kuldeep ne police ko di shikaayat mein bataaya tha ki 30 March ko vah apne dost pradeep urf kaala aur uske pita chandrasinh ke saath car mein savaar hokar naravaana se gaanv vaapas laut raha tha. Badnapur gaanv ke nikat baaik par savaar 6 yuvakon ne car ko gher liya aur unki gaadi par andhaadhundh firing ki. Ismein goli lagne se pradeep ki maut ho gayi. Pradeep urf kaala kuurukshetr vishvavidyaalaya mein emae itihaas antim varsh ka chhaatr tha. Vah chhaatr neta Virendra hatyaakaand ka gavaah tha. Kuldeep ne aarop lagaaya tha ki isi ranjish ke chalte uske dost ki hatya ki gayi hai. Police ne pradeep ke dost Kuldeep ki shikaayat par maamala darj kiya tha. Police ne kaarravaai karte hue jagadeep ko giraftaar kiya hai. Bataaya ja raha hai ki ghatna ke dauraan jagadeep baaik ko chala raha tha. Police aaropi se hamlaavaron ke baare mein poochhataachh kar rahi hai. Panaah dene vaala hatthe chadha udhar, police ne lagbhag ek maheene pehle adaalat parisar mein hiraasat ke dauraan kaidi par fire karne ke aaropiyon ko panaah dene ke aarop mein ek yuvak ko giraftaar kar duty maijistret ke samaksh pesh kiya. Vahaan se aaropi ko nyaayik hiraasat mein jail bhej diya gaya. December 2011 mein ek yuvak ko adaalat mein pesh kar court laukaap room mein le jaaya ja raha tha. Court parisar mein pehle se barth par baithe yuvak ne peechhe se fire kar diya. Goli lagne se vah gambhir roop se ghaayal ho gaya. Police jaanch mein paaya ki hamlaavar yuvakon ko gaanv mirchapur nivaasi sateesh ne panaah di thi. Police ne sateesh ko giraftaar kar liya.

Student Ki Hatya Ke Aarop Mein 1 Giraftaar https://www.angrejinews.com/pic/4801