Stock Naheen Bataane Par 5000 Tredars Ko Notice

Business »

Stock Naheen Bataane Par 5000 Tredars Ko Notice

Nai Delhi. . Khareed-bikri aur bache hue stock ki jaankaari naheen dene par vait vibhaag ne ek saath 5000 tredars ko notice jaari kar penalty jama karne ko kaha hai. Haalaanki, tredars ne is aadesh ko court mein chunauti di hai aur agale kuchh dinon mein is par sunavaai honi hai. July 2012 mein bhi vibhaag ne lagbhag 5000 vyaapaariyon ko ek saath notice jaari kiya tha. Us aadesh par haai court ne vibhaag ko notice jaari kar uske online system par savaal uthaaya tha. Vait notice ke khilaaf vyaapaariyon ki or se haai court mein yaachika daakhil karne vaale ek tax profeshanal ne bataaya, 'Vibhaag ki or se ye notice pichhle maheene jaari hue the. Pehle to tredars ne adhikaariyon ke saamane apni daleelein rakheen, lekin niraasha haath lagi. Uske baad court ka darvaaja khatkhataaya. Court ne tredars ki yaachika sveekaar kar li hai. Agale kuchh dinon mein is par sunavaai bhi hogi. ' unhonne bataaya ki maujooda maamale par vibhaag aur tredars ke beech takaraar November mein shuroo hui thi. Tab usane 31 November tak ek seema se oopar tarnaovar vaale vyaapaariyon ko stock bataane ko kaha tha. Haalaanki, jyaadaatar tredars ne aisa naheen kiya, jiske baad kuchh maheene ki mohlat mil gayi. Lekin pichhle maheene vibhaag ne ek saath 5000 tredars ko notice bhej diye. Haalaanki, inmein se kuchh ko 2e-2bi (khareed-bikri ki ditel) ki mismaiching ke liye notice mila hai, lekin jyaadaatar tredars ko stock naheen bataane par penalty chukaane ko kaha gaya hai. Is baare mein poochhe jaane par vait vibhaag ke ek varishth adhikaari ne kaha, 'Notice sirf unheen logon ko bheja gaya hai, jinke account aur khareed-bikri ke aankadon mein vyaapak gadbadi ki aashanka hai. Notice se pehle vyaapaariyon ko mismaiching sudhaarane ya sahi jaankaari jama karne mauke bhi diye gaye, lekin unhonne aisa naheen kiya. ' adhikaari ne kaha ki notice ek ekamusht online tareeke se naheen, balki difaultars ki pehchaan karke bheja gaya hai. Gaurtalab hai ki July mein haai court ne is tarah ke ek abhiyaan par savaal uthaate hue vait vibhaag se poochha tha ki ek hi din mein koi commissioner ek saath hajaaron aadesh par sign kaise kar sakta hai? Court ne vibhaag se kaha tha ki uske online system par deelars mein sandeh hai, isliye vah is system aur poori kaaryapranaali ki unke saamane numaaish kare aur yah pakka kare ki yah theek dhang se kaam kar raha hai. Gaurtalab hai ki tredars ko vait return ke saath 2e aur 2bi form bharakar yah bataana hota hai ki unhonne ek tay avadhi mein kis farm se kitna maal khareeda, kitna becha aur kitna stock kairi forward kiya. Tredars ki shikaayat rahi hai ki unki chhoti-moti galati ya aankadon mein do-chaar rupae ki gadbadi par bhi system unke return ko mismaich kaitegari mein daal deta hai.

Stock Naheen Bataane Par 5000 Tredars Ko Notice https://www.angrejinews.com/pic/5077