Starlight 100 Karod Ka Muaavaja Day Supreme Court

Business »

Starlight 100 Karod Ka Muaavaja Day Supreme Court

Nai Delhi. . Supreme court ne starlight industries ko bada jhatka diya hai. Court ne starlight indastreej ko 100 karod rupae ka muaavaja dene ke liye kaha hai. Tamil Nadu ke kaupar plant ke jariye paryaavaran ko hue nuksaan ke liye starlight ko 100 karod rupae ka muaavaja dene ke liye kaha gaya hai. Haalaanki Supreme court ne tooteekorin plant ko band karne ka nirdesh dene se inkaar kiya. Court ne muaavaje ki rakam 5 saal mein ada karne ke liye kaha hai. Court ne kaha ki 100 karod rupae se kam raashi ke muaavaje ka asar naheen hoga. 2010 mein Madras haai court ne paryaavaran niyamon ke ullanghan ki vajah se plant band karne ka faisala diya tha. Haai court ne apne aadesh mein kaha tha ki London sthit vedaanta group ki company starlight samudra tat se 25 kilometer ki seema ke andar kaam kar rahi hai, jisse paryaavaran ko nuksaan pahunch raha hai. Court ne yah bhi kaha tha ki company ne apni unit ke 250 meter ke daayare mein ek green belt viksit naheen ki hai. Haai court ke aadesh ke khilaaf company Supreme court gayi. October 2010 mein Supreme court ne Madras haai court ke us aadesh par rok laga di thi, jismein starlight industries ke tooteekorin kaupar smelting plant ko band karne ka nirdesh diya gaya tha. Tamil Nadu pradooshan niyantran board ne starlight industries ko kuchh nishchit sharton ke saath kaupar aur salfyoorik aisid ki unit lagaane ki paramishn di thi. Company ne green belt ki shart ko poora karne ke bajaay iski chaudaai 250 meter se ghataakar 10-15 meter tak kiye jaane ki maang ki thi. 30 March, 2013 ko Tamil Nadu pradooshan niyantran board ne starlight industries ke tooteekorin kaupar plant ko band karne ka aadesh diya tha. 16 March ko plant se haanikaarak gas ke leek hone ke baad pradooshan board ne yah aadesh diya tha.

Starlight 100 Karod Ka Muaavaja Day Supreme Court https://www.angrejinews.com/pic/4180