Star Vaach Satyendr Paal Singh Nai Delhi Delhi

Cricket »

Star Vaach Satyendr Paal Singh  Nai Delhi Delhi

star vaach satyendr paal Singh . Nai Delhi Delhi Daredevils mahela jayavardhane : Kaptaan aur Delhi ki batting ki jaan hain mahela jayavardhane. Unka shumaar takaneeki roop se duniya ke sabse kaabil baitsamainon mein hota hai. Vah pace aur spin ko poori shiddat se bini kisi dikkat se khelne ka dam rakhate hain. Vah modern cricket ke har faurmet ke mutaabik khelne ka dam rakhate hain. Delhi ko Rajasthan Royals ke khilaaf bade score tak pahunchaane ki jimmedaari mahela ki hogi. Delhi ki team IPL 6 mein apne pehle match mein bhale hi Kolkata night Riders se chhah wicket se haar gayi ho, lekin unhonne akele 66 run banaakar dikhaaya ki vah jimmedaari nibhaane ko muustaid hain. David Warner : Visfotak opener David Warner par Delhi ko Rajasthan ke khilaaf bade score tak pahunchaane ki jimmedaari rahegi. Warner bade shot to khelte hi hain wicket ke beech tej daud kar run churaane mein unka javaab naheen hai. Vah baraabar score board ko chalaae rakhate hain. Unke kavar drive laajavaab hote hain aur huk aur pul bhi vah badhiya khelte hain. Warner se Delhi ki team mahela jayavardhane ki tarah badi paari ki aas karegi. Kolkata ke khilaaf is baar pehle match mein 21 run banaane se pehle unhonne behatareen kavar drive khele the. Rajasthan Royals Rahul Dravid : Klaasikl baitsamain Rahul Dravid Rajasthan Royals ki batting ki jaan hain. Unke paas duniya ki kisi bhi pitch par poori takaneeki shiddat ke saath stroke khelkar run banaane ka dam hai. Dravid bhale hi intaranaishanal cricket ko alvida kah chuke hain lekin aaj bhi yang baitsamain khud ko takaneeki roop se un jaisa kaabil baitsamain banaane ka khvaab dekhte hain. Dravid Rajasthan ko jeet dilaane mein koi kasar naheen chhodeinge. Ajinkya rahaane : Poori tarah kriketing shot khel kar run banaane mein ajinkya rahaane ka javaab naheen hai. Rahaane ne Rajasthan Royals ke liye pichhle season mein ek century aur 98 run ki paari sahit 560 run bana kar har cricket fains ka dil jeeta tha. Vah captain Rahul Dravid ke saath Rajasthan team ki batting ki jaan hain . Rahaane ko teji se run banaane me bhi maahir hain. Rajasthan ki team rahaane se Delhi ke khilaaf bhi badhiya batting ki aas karegi.

Star Vaach Satyendr Paal Singh Nai Delhi Delhi https://www.angrejinews.com/pic/4597