Sri Lanka Ke Raashtrapati Ko Shapath Grahan Samaaroh Ke Liye Nyota Durbhaagyapoorn Jayalalita

Breaking »

Sri Lanka Ke Raashtrapati Ko Shapath Grahan Samaaroh Ke Liye Nyota Durbhaagyapoorn  Jayalalita

File photo File photo Chennai: bhaavi pradhaanamantri Narendra Modi dvaara 26 May ke apne shapath grahan samaaroh ke liye Sri Lanka ke raashtrapati mahinda raajapakshe ko nyota diye jaane ko 'Durbhaagyapoorn' karaar dete hue Tamil Nadu ki mukhyamantri jayalalita ne guruvaar ko kaha ki galat salaah par uthaae gaye is kadam ko taala ja sakta tha kyonki yeh pehle se dukhi tamilon ke jakhmon par namak chhidkane jaisa hai. annaadramuk pramukh ne is khabar par niraasha prakat ki ki Sri Lanka ke raashtrapati ko nyota diya gaya hai aur unhonne yeh nyota sveekaar kar liya hai. unhonne ek bayaan mein kaha ki desh-videsh mein rah rahe tamilon ki samvedna gyaat hai, kendra mein satta parivartan se Tamil Nadu aur Sri Lanka ke beech pehle se chale aa rahe tanaavapoorn sambandh mein koi badlaav naheen aane vaala hai. unhonne Sri Lanka mein tamilon ke khilaaf sena ke kathit yuddh aparaadh ko lekar us desh par aarthik pratibandh lagaane ki maang ko lekar vidhaanasabha se paarit kai prastaavon, ka bhi ullekh kiya.

Sri Lanka Ke Raashtrapati Ko Shapath Grahan Samaaroh Ke Liye Nyota Durbhaagyapoorn Jayalalita https://www.angrejinews.com/pic/51398