Spot Fixing Rajasthan Ne Shikaayat Darj Karaai, Daagiyon Ke Karaar Radd

Cricket »

Spot Fixing Rajasthan Ne Shikaayat Darj Karaai, Daagiyon Ke Karaar Radd

Nai Delhi. . Rajasthan Royals frainchaaiji team management ne somvaar ko Indian Premier league mein spot fixing ke aarop mein giraftaar apne teen khilaadiyon ke khilaaf police mein shikaayat ki. Saath hi saath frainchaaiji ne jaanch poori hone tak in khilaadiyon ke karaar radd kar diye. Rajasthan Royals ke pramukh Ranjit baarathaakur ne kaha, 'Adhikaariyon dvaara muhaiya soochana ke aadhaar par humne shreeshaant, ajeet chandeela aur ankit chavhaan ka karaar jaanch poori hone tak radd kar diya hai. Saath hi saath humne Delhi police mein in teenon ke khilaaf somvaar hi likhit shikaayat darj karva di hai. ' haal hi mein aatmahatya karne vaale Delhi police ke special sel ke inspector badreesh datt ne satoriyon aur teenon khilaadiyon ke beech hui baatcheet ko pehli baar pakadte hue dhaara-420 aur 120bi ke tahat ek maamala darj kiya tha. Badreesh ne khilaadiyon aur satoriyon ke beech phone par baatcheet ko intarasept kiya tha. Delhi police ne teeno khilaadiyon ko Budhvaar der raat mumbai se giraftaar kiya tha. Filhaal ye paanch dinon ke police remand par hain. Team ne iske alaava sunrisers Hyderabad ke saath Ferozshah Kotla maidaan par Budhvaar ko hone vaale play of match ke liye khilaadiyon ki suraksha badhaane ka faisala kiya. Isse pehle, Delhi police ke ek adhikaari ne bataaya ki police ne is maamale mein giraftaar Rajasthan Royals ke khilaadi chandeela ke ek rishtedaar ke Haryana ke palaval sthit ghar se 20 lakh rupae baraamad kiye hain. Adhikaari ne yah bhi kaha ki Delhi police ne giraftaar do satoriyon-manan aur jeejoo aur chandeela ki aavaaj ke saimpal central forensic science lab (seeefaesael) ko somvaar ko bhej diya. Yah sanstha fixing ke dauraan in sabke beech hui baatcheet ke aadhaar par aavaaj ki pushti karegi.

Spot Fixing Rajasthan Ne Shikaayat Darj Karaai, Daagiyon Ke Karaar Radd https://www.angrejinews.com/pic/9154