Spot Fixing Khilaadiyon Ko Aamne-saamane Baithaakar Hogi Poochhataachh

Breaking »

Spot Fixing  Khilaadiyon Ko Aamne-saamane Baithaakar Hogi Poochhataachh

Nai Delhi. . IPL spot fixing case mein Delhi police ki jaanch jaise-jaise aage badh rahi hai, kai aham saboot haath aa rahe hain. Chandigarh ke ek hotel ki CCTV footage ne police ke kaan khade kar diye hain. Nau May ki is footage mein shreeshaant ek buki ke saath dikhaai day rahe hain. Footage mein ajeet chandeela aur ankit chavhaan bhi najar aa rahe hain. Nau May ko Mohali mein Rajasthan Royals aur kings eleven Punjab ka match khela gaya tha. Police jaanch kar rahi hai ki kaheen yah match fix to naheen tha? Vaheen police ne shukravaar raat Mumbai ke ek hotel mein bhi chhaapemaari ki. Bataaya ja raha hai ki yahaan bhi shreeshaant ke khilaaf saboot mile hain. (tasveeron mein: Ye hain cricket ke kalank) gaurtalab hai ki shreeshaant abhi kah rahe hain ki unka bukeej se koi seedha sambandh naheen tha. Bukeej se unka kareebi dost jeejoo hi baat aur deal karta tha. Delhi police ne hotel se CCTV footage mangava liya hai. Ab is maamale mein giraftaar khilaadiyon se poochhataachh hogi. Aamne-aamne baithaakar hogi poochhataachh Delhi police giraftaar khilaadiyon se ab aamne-saamane baithaakar poochhataachh karegi. Abhi tak teenon khilaadiyon se alag-alag poochhataachh ki gayi hai. Iske baad buki chandresh, jeejoo, teekoo mandi aur amit Singh ko khilaadiyon ke saath baithaakar poochhataachh ki jaaegi. Bataaya ja raha hai ki amit Singh hi chandeela aur chavhaan ke beech ki kadi hai jeejoo aur chandresh ne shreeshaant ko saadhane ka kaam kiya, ye poochhataachh aaj der raat tak chalegi. Is dauraan khilaadiyon aur sattebaajon ke beech hui baatcheet ki rikaurding bhi unhein sunaai jaaegi taaki maamale ka poora sach saamane aa sake. (dekhein: IPL mein kaise chalta hai satte ka khel) kahaan se aaya paisa, jaanch mein juti police Delhi police ne IPL spot fixing maamale mein paise ke sors ka pata lagaane ke liye desh ke chaar shaharon mein apni jaanch teemein bheji hain. Sootron ke anusaar is sambandh mein teemein Ahmedabad, Kolkata, Mumbai aur Hyderabad bheji gayi hain. Delhi police ne shreeshaant aur do anya cricketeron ankit chavhaan va ajit chandeela ko guruvaar ko Mumbai mein IPL maichon mein spot fixing ke aarop mein arest kiya tha. Police sootron ke anusaar chandeela ne spot fixing ke liye kathit taur par 20 lakh rupaye liye the. Sootron ke mutaabik shreeshaant ne bhi spot fixing ke liye kathit taur par paisa liya tha. Unhonne bataaya ki chavhaan paisa haasil naheen kar paaya, kyonki match khatm hote hi use giraftaar kar liya gaya aur len-den naheen ho saka. Unhonne bataaya ki shreeshaant ke liye sabhi phone calls uske dost jeejoo ne kiye the. Ek senior police adhikaari ne bataaya, 'Jeejoo, shreeshaant ka kareebi saathi raha hai aur vah uske saath hi yaatra kar raha tha tatha usi hotel mein thahara huaa tha. ' Delhi police ne shukravaar ko daava kiya ki shreeshaant aur Rajasthan Royals ke do anya khilaadiyon ne IPL spot fixing mein aparaadh 'Kabool' kar liya hai. Ek anya IPL racket mein shukravaar ko Tamil Nadu mein chhah, Mumbai aur Delhi mein ek-ek satoriya pakade gaye the. Cricketeron-shreeshaant, chavhaan aur chandeela ke saath poorv mein 11 sattebaaj giraftaar kiye gaye the.

Spot Fixing Khilaadiyon Ko Aamne-saamane Baithaakar Hogi Poochhataachh https://www.angrejinews.com/pic/8959