Spot Fixing Jaanch Ke Daayare Mein Chennai Superkings Ke Maalik Ka Sambandhi

Cricket »

Spot Fixing Jaanch Ke Daayare Mein Chennai Superkings Ke Maalik Ka Sambandhi

Mumbai. . Indian Premier league ki freinchaaiji chennai super kings ke maalik ka ek sambandhi spot fixing maamale mein Mumbai police ki jaanch ke daayare mein hai. Yah vyakti spot fixing mein giraftaar kiye gaye abhineta vindoo randhaava ke lagaataar sampark mein tha. Jaanch mein shaamil ek adhikaari ne 'PTI' se kaha, 'Vindoo ne IPL freinchaaiji chennai super kings ke maalik ke is sambandhi ko kai baar phone kiye. Ham is vyakti ko poochhataachh ke liye bula sakte hain taaki yah pata lagaaya ja sake ki baar-baar phone karne ka kaaran kya tha. ' unhonne kaha ki yah nishkarsh nikaalna 'Bahut jaldabaaji' hogi ki is vyakti ke sattebaajon se sambandh hain. Yah poochhe jaane par ki kya vindoo ne sattebaaji giroh mein shaamil hone ke maamale mein baulivud ki kisi hasti ka naam liya hai, adhikaari ne kaha, '' vindoo khud film jagat se sambandh rakhate hain aur unke phone mein film industry ke kai logon ke number hona svaabhaavik hai. Hamein abhi tak unamein se kisi ke sattebaaji ya spot fixing mein shaamil hone ka saboot naheen mila hai. ' IPL ke isse pehle ke tournament mein vindoo ke sattebaaji ya fixing mein shaamil hone ke baare mein poochhe gaye savaal ke javaab mein adhikaari ne kaha, 'Abhi sab baaton ki jaanch ho rahi hai. ' vindoo ko satoriyon ke saath kathit sambandhon ke maamale mein mangalvaar ko giraftaar kiya gaya tha. Realty TV program big boss ke teesare session ke vijeta vindoo par is maamale mein giraftaar kuchh satoriyon ke sampark mein hone ka aarop hai. Unhein kai maukon par IPL match dekhte aur match ke baad ke jashn mein shareek hote dekha gaya hai.

Spot Fixing Jaanch Ke Daayare Mein Chennai Superkings Ke Maalik Ka Sambandhi https://www.angrejinews.com/pic/9383