Speaker Hi Leingi Mere Baare Mein Faisala Chaako

Breaking » Monday, April 29, 2013

vis . Nai Delhi : 2ji maamale mein JPC ki draft report par mache bavaal ke beech iske adhyaksh pi. Si. Chaako ne vipaksh dvaara unhein hataae jaane ki maang ke tareeke par savaal utha diya. Chaako ne ravivaar ko kaha ki vipaksh unhein hataane ki maang par Loksabha speaker ke paas jaane ki bajaay agar seedhe unke paas aata to shaayad vah is baare mein soch sakte the. Lekin vipaksh ne aisa naheen kiya. Chaako ne yah bhi kaha ki unhein hataane ke liye koi niyam naheen hai. Chaako ne is sambhaavana ko bhi khaarij kar diya ki agar ab vipaksh unase hatne ke liye kehta hai to vah hateinge. Unka kehna tha ki ab iska savaal hi naheen uthata hai. Unhonne kaha ki is baare mein ab koi bhi faisala Loksabha speaker hi leingi. Gaurtalab hai ki JPC ki report mein PM aur vitt mantri ko clean chit diye jaane se naaraaj kai dalon ne Loksabha adhyaksh se chaako ko hataane ki maang ki thi. In logon ne chaako ke prati apna avishvaas jataaya tha.