Spasht Bahumat Waali Sarkaar Anishchitta Door Karegi Fitch

Business »

Spasht Bahumat Waali Sarkaar Anishchitta Door Karegi Fitch

Nai dilleebeejepi ke netrutv vaale NDA ko mile jabardast bahumat ke saath rating agency Fitch ne kaha ki spasht bahumat waali sarkaar anishchitta door karegi aur aarthik chunautiyon ka samaadhaan karne ke liye nirnaayak neetigat kadam utha sakegi. Fitch ne ek not mein kaha, spasht bahumat waali sarkaar anishchitta door kar sakti hai aur aarthik chunautiyon ka samaadhaan karne ke liye nirnaayak neetigat kadam utha sakti hai. . . . . Rating agency ne aage kaha ki nai sarkaar ko aarthik vruddhi ko oonche aur regyular star par laane par dhyaan dena chaahiye jo nivesh mein majabooti ke liye jaroori hai. 16veen Loksabha ke liye hue chunaavon mein NDA ko 330 se adhik seatein milne ki ummeed hai. Nivesh maahaul ko majaboot banaane ke liye kadamon ko rekhaankit karte hue Fitch ne kaha ki raajakosheeya majabooti, raajakosheeya vishvasaneeyata badhaane aur kam mudraasfeeti vaala maahaul taiyaar karne ko lekar spasht rananeeti ki jaroorat hogi. Vishvaas bahaali ke liye yeh jaroori hai. Rating agency ne kaha ki saath hi sarkaar ke kaamkaaj se sambaddh sudhaar, buniyaadi dhaancha baadhaaon, laal feetaashaahi aise kuchh mudde hain jin par gaur karne ki jaroorat hai. Naye dhaanchaagat sudhaaron mein in maamalon ko shaamil kiya ja sakta hai. Fitch ne kaha, shurooaati roojhaan yeh sanket deta hai ki bhaarateeya matadaataaon ne bhaajapa ki aguvaai mein banane waali sarkaar ko spasht bahumat diya hai.

Spasht Bahumat Waali Sarkaar Anishchitta Door Karegi Fitch https://www.angrejinews.com/pic/50749