South-central Delhi Mein ITC Ke Boss Ne 85 Karod Mein Ghar Khareeda

Business »

South-central Delhi Mein ITC Ke Boss Ne 85 Karod Mein Ghar Khareeda

ravi teja sharma nai Delhi hotel se lekar sigret business se jude ITC group ke Chairman vaai si deveshvar ne south-central Delhi ke shaanti niketan ilaake mein kareeb 85 karod rupae mein ek bangala khareeda hai. Shaayad yah desh mein kisi company ke sailareed enplauyi dvaara khareede jaane vaala sabse mahanga ghar hai. Do-manjil vaale is bangale ki deal ke liye prati varg gaj kareeb 10.62 lakh rupae ki keemat chukaai gayi hai. Yah 800 varg gaj ke plaut par bana hai. Prati varg gaj rate ke lihaaj se bhi yah Delhi ke sabse mahange gharon mein se ek hai. Pedon se ghire is bangale ke saamane ek chhota gaarden hai. Deal ki jaankaari rakhane vaale do anya logon ne is transaction ki pushti ki, lekin ITC ke pravakta ne yah kehte hue is baare mein kuchh kehne se inkaar kar diya ki yah company se juda maamala naheen hai. Oopar jaankaari dene vaale do logon ne bataaya ki prauparti rajistard ho gayi hai. Unhonne yah bhi kaha ki deveshvar faimili ko is maheene ke ant mein is ghar ka pajeshan mil jaaega. Prauparti par maujood logon ne bhi ghar bikne ki baat kahi. Deveshvar ne is baare mein bheji gayi imel ka javaab naheen diya. Vah Kolkata mein rahate hain. Aman Mehta ne is ghar ko becha hai. Vah HSBC ke faurmar cheef egjikyootiv hain. Unase sampark naheen ho saka. Haalaanki, unke broker ne deal hone ki baat maani. HSBC mein 35 saal kaam karne ke baad Mehta 2003 mein retire hue the. Abhi vah kai companiyon ke board mein shaamil hain. Deveshvar ne 1968 mein ITC mein naukri shuroo ki thi. Vah 1996 mein company ke CEO ban gaye. 28 March ko unke paas ITC ke 24,26,435 share the. Guruvaar ko share ke klojing price par deveshvar ke sheyaron ki total vailyoo kareeb 83.6 karod rupae hai. Is saal January se unhonne do baar mein ITC ke 49 karod rupae ke share beche. Is dauraan unhonne company ke kareeb 26 karod rupae ke share bhi khareede. 2011-12 mein parks, benefit aur performance bonas sahit unki kul sailari saalaana 9.85 karod rupae thi. Sootron ne bataaya ki transaction check se huaa. Aam taur par prauparti ki aadhi vailyoo ka pemeint cash mein hota hai. Pichhle do saal mein Delhi mein is tarah ke kuchh hi vaait transaction dekhne ko mile hain. Monet ispaat end enarji ke Chairman sandeep jajaudiya ne bhi deveshvar ke ghar se thodi door sthit 2,000 varg gaj ka ek plaut khareeda tha. Vah bhi poori tarah se vaait transaction tha. Senior byoorokrets ne 1980 ke dashak mein shaanti niketan ilaake mein ghar banaae the. Airport aur bade business distrikts se najadeek hone ke kaaran bijnesamain ke liye yah kaafi atraiktiv ho gaya hai.

South-central Delhi Mein ITC Ke Boss Ne 85 Karod Mein Ghar Khareeda https://www.angrejinews.com/pic/8226