South Africa Tour Ki Taiyaari Mein Dhavan

Cricket »

South Africa Tour Ki Taiyaari Mein Dhavan

Nai Delhi. . Bhaarateeya ballebaaj shikhar dhavan ka maanana hai ki south Africa ki uchhaal bhari pitchein unki shaili ke anukool hongi lekin vah fir bhi saal ke ant mein bhaarateeya team ke is daure se pehle saamanjasya bithaane ke liye apni ballebaaji par kaam kareinge. Dhavan ne kaha, 'South afreeki haalaaton mein pradarshan karna nishchit roop se ek badi chunauti hogi, lekin main is chunauti ka lutf uthaaoonga. Mujhe hamesha hi aisi pitchein pasand hain jinpar uchhaal hota hai. Mujhe tej geindabaajon ka saamana karna achha lagta hai. Balki geindabaajon ki raftaar jitni jyaada hogi, utana hi achha hai. ' Australia ke khilaaf padaarpan match mein 187 run ki shaanadaar paari khelne vaale 27 varsheeya dhavan ko lagta hai ki south Africa daure ki taiyaari ke liye ab bhi kuchh samay bacha hai. Dhavan anguli mein fracture ke kaaran IPL ke shurooaati maichon mein naheen khel paayeinge. Unhonne kaha, 'Yah daura November ke ant mein hai, isaliye ab bhi kuchh samay bacha hai aur kaafi cricket khela jaana hai. Lekin hamein nishchit roop se series ke liye achhi tarah taiyaar hona hoga. ' dhavan ne kaha, 'Mujhe south Africa ki chunauti ke liye taiyaar hone ke liye apni vishisht ballebaaji dril ka abhyaas karna hoga. ' unhonne kaha, 'Mujhe do hafte ke samay mein fit hone aur doosare daur se IPL mein khelne ki ummeed hai. Abhi main team se milne Hyderabad aaya hoon lekin somvaar ko main Australia ravaana ho raha hoon. ' dhavan ekamaatr bhaarateeya ballebaaj hain jinhonne pichhle do season mein Deccan Chargers ki or se khelte hue duniya ke number ek tej geindabaaj Dale sten ka net par saamana kiya hai lekin unhein naheen lagta ki test series mein isse kuchh fark padega. Delhi ke is salaami ballebaaj ne kaha, 'Haan, mainne net par Dale ki geindon ka kaafi saamana kiya hai lekin jab ham match mein ek doosare ke aamne saamane honge to isse koi fark naheen padega. Mujhe achha pradarshan karne ka bharosa hai lekin main isse aage ke baare mein naheen sochana chaahata. ' sachin Tendulkar ne 'Test kaip' saunpate hue unhein kaha tha, ''Apna kaushal dikhaao'' aur jab vah Australiaee aakraman ka datakar saamana karke achhi paari khelne ke baad laute to is mahaan cricketer ne unki peeth thapathapaayi. Unhonne kaha, 'Sachin paaji ne kaha ki ''Hamein tum par garv hai''. Isse behtar protsaahan naheen ho sakta tha. Main apne saathi khilaadiyon ki aankhon mein khushi dekh sakta tha, jisne mujhe sachmuch vishesh banaaya.

South Africa Tour Ki Taiyaari Mein Dhavan https://www.angrejinews.com/pic/4084