Sooryanelli Rape Case Soniya Se Mile Kuriyan, Isteefe Ki Atkalein Tej

Breaking » Thursday, February 14, 2013

Nai Delhi: Sooryanelli gang-rape case mein aaropon ka saamana kar rahe Rajyasabha ke upasabhaapati PJ kuriyan ko guruvaar ko Congress adhyaksh soniya Gandhi ne talab kiya. Sootron ne jaankaari di hai ki is mulaakaat mein kuriyan ne sooryanelli gang-rape case mein khud par lag rahe aaropon ko lekar safaai di hai. Is mulaakaat ke baad ye atkalein tej ho gayi hain ki kuriyan se isteefa maanga ja sakta hai, haalaanki Congress sootron ke mutaabik is par aupachaarik nirnaya hona baaki hai. Haalaanki kuriyan ne soniya Gandhi ke saath apni kareeb 20 minute ki mulaakaat ke baare mein koi jaankaari naheen di. Jab unase poochha gaya ki kya uchch sadan ke upasabhaapati ke pad se unke isteefe ki sambhaavana hai, to unhonne kaha, main tippani naheen karunga. Congress adhyaksh ke saath meri kya baatcheet hui, main us baare mein kuchh naheen kahoonga. Yah media ke liye naheen hai. Ullekhaneeya hai ki PJ kuriyan ne isteefe ki maangon ke beech do din pehle soniya Gandhi aur Rajyasabha ke sabhaapati haamid Ansari ko khat likhkar aaropon se inkaar kiya tha. Bataaya jaata hai ki kuriyan ne Ansari ko bataaya ki unke khilaaf lagaae ja rahe aarop raajanaitik shadayantr hain. Daraasal, varsh 1996 mein 16 varsh ki aayu mein gang-rape ki shikaar hue ek mahila ka 72-varsheeya kuriyan par aarop hai ki rape ke samay vah bhi un 42 logon mein shaamil the, jinhonne uske saath balaatkaar kiya tha. Kerala mein sooryanelli ki rahane waali yah mahila ab 33 varsh ki hai. In aaropon ke baad bhaarateeya janta party (BJP) ne maang ki thi ki PJ kuriyan ko ab naitik aadhaar par Rajyasabha ke upasabhaapati pad se tyaagapatr day dena chaahiye.