Sooryanelli Maamala Peedit Ne Kuriyan Ke Khilaaf Shikaayat Darj Karaai

Breaking »

Sooryanelli Maamala  Peedit Ne Kuriyan Ke Khilaaf Shikaayat Darj Karaai

Kottaayam: Sooryanelli saamoohik balaatkaar maamale mein us samay ek naya mod aa gaya jab peedit ne police mein ek shikaayat darj karaate hue kaha ki Rajyasabha ke upasabhaapati PJ kuriyan ko aaropi banaaya jaae. Chingaavanam police thaane mein darj shikaayat mein yah bhi maang ki gayi ki haal mein Karnataka mein giraftaar dharmaraajan aur do anya logon unneekrushnan tatha jamaal ko bhi aaropi banaakar kataghare mein laaya jaae. Dharmaraajan is maamale mein jamaanat milne ke baad faraar ho gaya tha aur use haal mein Karnataka mein giraftaar kiya gaya. Shikaayatakarta ke anusaar, dharmaraajan ne ek television channel ko bataaya ki vah 19 February 1996 ko kumali vishraam gruh jaate vakt kuriyan ke saath unki gaadi mein maujood tha. Kumali vishraam gruh mein hi peedit ka yaun utpeedan huaa tha. Peedit aur uske maata-pita shikaayat darj karaane police thaane aae the. Peedit ki vakeel anila George ne kaha ki sahaayak upanireekshak ne shikaayat sveekaar ki lekin maamala darj karne se yah kehte hue inkaar kar diya ki upanireekshak maujood naheen hain. Unhonne kaha ki peedit ki shikaayat kuriyan ko aaropi banaane ke liye hai. Ab tak kuriyan ke khilaaf koi police maamala ya praathamiki naheen hai. Vakeel ne daava kiya ki kuriyan ka naam aane par police is nishkarsh par pahunchi ki anyatr hone ke kaaran kuriyan ke liye kumali vishraam gruh par hona sambhav naheen hai. Isliye unhein kabhi aaropi naheen banaaya gaya.

Sooryanelli Maamala Peedit Ne Kuriyan Ke Khilaaf Shikaayat Darj Karaai https://www.angrejinews.com/pic/2586