Sooryanelli Case Kuriyan Ke Khilaaf Aaropon Ka Patni Ne Kiya Khandan

Breaking » Wednesday, February 13, 2013

Patanamathitta (Kerala): Sooryanelli gang-rape ko lekar Rajyasabha ke up sabhaapati PJ kuriyan ke isteefe ki badhti maang ke beech unki patni ne aaropon ka khandan karte hue kaha hai ki jo log aarop laga rahe hain, unhonne kabhi kuriyan ke parivaar ki bhaavanaaon ko samajhne ki koshish naheen ki. Kuriyan ki patni aur sevaanivrutt teacher susan kuriyan ne ek bayaan mein kaha ki jis din peedit ladki ke saath ek guest house mein dushkarm hone ke aarop lagaae ja rahe hain, us din unke pati ghar par the aur raat ka bhojan donon ne saath mein kiya tha. Susan ne kaha, mujhe vishvaas hai ki mere pati ke khilaaf aarop bebuniyaad hain. Main aur meri donon betiyaan purajor tareeke se maanati hain ki is maamale mein sach ki jeet hogi. Unhonne kaha ki unka parivaar is baat se bahut aahat hai ki kuriyan ko 17 saal ke baad media ke maadhyam se pareshaan kiya ja raha hai aur unheen aaropon ko doharaaya ja raha hai, jo baar-baar jaanch tatha nyaayik padtaal ke baad niraadhaar saabit hue the. Susan ne kaha, mahilaaon ke adhikaaron ke liye sangharsh kar rahe logon ko is baat ko naheen bhoolana chaahiye ki kuriyan ka bhi ek parivaar hai. Kuriyan ne khud par lage aaropon aur apne isteefe ki vipaksh ki maang ko khaarij karte hue kaha hai ki is maamale mein Supreme court ne pehle hi sthiti spasht kar di hai. Aarop hain ki idukki jile ke sooryanelli ki rahane waali ladki ka January, 1996 mein apaharan kar liya gaya tha aur use Kerala mein ek jagah se doosari jagah le jaaya gaya aur kai logon ne usaka yaun utpeedn kiya. Peedit ne pichhle Supreme court ko patra bhejkar kuriyan ko sabhi aaropon se bari karne ke sheersh adaalat ke aadesh ki sameeksha ki maang ki thi.