Sooryanelli Balaatkaar Maamale Mein Mukhya Aaropi Ko Notice

India »

Sooryanelli Balaatkaar Maamale Mein Mukhya Aaropi Ko Notice

Kochchi. . Sooryanelli balaatkaar maamale ki sunavaai ke liye gathit Kerala ki ek vishesh adaalat ne mukhya aaropi dharmaraajan ko notice jaari kiya hai. Uchch nyaayaalaya ke nyaayaadheesh ke ji shankaran aur nyaayamoorti M L Joseph fraansis ki khandapeeth ne jail adheekshak ke jariye dharmaraajan ko notice jaari kiya. Khandapeeth 1996 mein sooryanelli mein 16 varsheeya ladki se balaatkaar ke maamale ke 35 aaropiyon ki jamaanat yaachikaaon ki sunavaai kar rahi hai. Jamaanat yaachikaaon ki sunavaai pichhle hafte hi shuroo ho gayi thi lekin dharmaraajan uchchatam nyaayaalaya ke aadesh ke baavajood uchch nyaayaalaya mein pesh naheen huaa tha jiske baad use notice jaari kiya gaya. Satr nyaayaalaya ne in aaropiyon ko alag-alag saja sunaai thi jise uchch nyaayaalaya mein chunauti di gayi thi. Uchch nyaayaalaya ne dharmaraajan ki aajeevan kaaraavaas ki saja ko kam karke paanch saal kar diya tha jabki anya aaropiyon ko aaropamukt kar diya tha. Lekin uchchatam nyaayaalaya ne 31 January ko uchch nyaayaalaya ke is aadesh par rok laga di thi. Dharmaraajan ko haal mein Karnataka ke saagar mein giraftaar kiya gaya tha. Vah tiruvanantapuram ki poojaapura jail mein band hai. Peedita ne is maamale mein Rajyasabha ke up sabhaapati pi J kuriyan ke khilaaf bhi shikaayat darj ki hai

Sooryanelli Balaatkaar Maamale Mein Mukhya Aaropi Ko Notice https://www.angrejinews.com/pic/3259