Soodaan Mein Shaheed Sainikon Ki Faimili Ko 20 Lakh

Breaking »

Soodaan Mein Shaheed Sainikon Ki Faimili Ko 20 Lakh

Lucknow. . Uttar pradesh ke mukhyamantri Akhilesh Yadav ne dakshini soodaan mein sanyukt raashtra shaanti sena mein shaamil raajya ke 2 shaheed sainikon ke parijanon ko 20-20 lakh rupaye ki aarthik sahaayata dene ki ghoshana ki hai. Sanyukt raashtra shaanti sena mein shaamil 5 bhaarateeya sainik dakshin soodaan mein vidrohiyon ke hamle mein shaheed ho gaye the. Inmein uttar pradesh ke bulandashahar ke hawaldaar heeraalaal aur prataapagadh ke naayab soobedaar shivkumaar paal shaamil the. Mukhyamantri ne kaha ki uttar pradesh sarkaar in shaheed sainikon ke parivaar ki poori sahaayata karegi. Kaafile par hamla mangalvaar ko dakshini soodaan ke guramuk mein sthit ashaant raajya jongalei mein sashastr vidrohiyon ne shaanti sena ke 32 sadasyeeya kaafile par hamla kiya tha. In 32 sainikon mein lieutenant Colonel samet Bhaarat ke 5 aur uttar pradesh ke 2 sainik heeraalaal aur shivkumaar paal bhi shaamil the. Gaurtalab hai ki 5 bhaarateeya sainik sanyukt raashtra shaanti sena ke sadasya ke roop mein dakshini soodaan gaye the. Sena ne di shraddhaanjali mukhyamantri ne is ghatna ki kadi ninda ki aur shaheedon ki aatma ki shaanti ke liye praarthana ki. Guruvaar ki subah bhaarateeya sanyukt raashtra shaanti sena ke 5 bhaarateeya sainikon ke shav Delhi pahunche. Sabse pehle bhaarateeya sena ke varishth adhikaariyon ne shaheedon ko shraddhaanjali di. Isse pehle pradhaanamantri Manmohan Singh sanyukt raashtra shaanti sena mein shaamil 5 bhaarateeya sainikon ke soodaan mein maare jaane par naaraajagi aur dukh vyakt kar chuke hain. July 2011 se ashaanti July 2011 mein dakshini soodaan ki svatantrata ke baad jongalei vahaan ka ashaant kshetr bana huaa hai. Is kshetr mein aae din vidrohiyon ke hamle hona aam baat hai. Pibor County mein, jahaan sanyukt raashtra shaanti sena ke sadasya thahare hue hain, vahaan sabse jyaada ashaant maahaul hai. Lagaataar sangharsh March mein dakshini soodaan mein vidrohiyon ke hamle mein ek bhaarateeya sainik ghaayal ho gaya. Isse pehle December mein sanyukt raashtra ke helikauptar ko maar giraaya gaya tha. Sanyukt raashtra shaanti sena mein bhaarateeya sainikon ne kaafi yogadaan diya hai aur shahaadat bhi haasil ki hai.

Soodaan Mein Shaheed Sainikon Ki Faimili Ko 20 Lakh https://www.angrejinews.com/pic/5248