Soodaan Ke Sainik Yaman Mein Bane Raheinge Sainya Parishad Ke Neta

World »

Soodaan Ke Sainik Yaman Mein Bane Raheinge Sainya Parishad Ke Neta

Khaartoom Soodaan ki sena ke ek varishth adhikaari ne kaha hai ki Saudi neet sainya gathabandhan mein shaamil soodaan ki sena yaman mein arab gathabandhan ke lakshya ko haasil karne tak vahaan bani rahegi. Soodaan ki nai sattaaroodh sainya parishad mein doosare number ke neta mohammad hamadaan daagalo ne aadhikaarik samaachaar agency 'Soona' ne yeh jaankaari di. News agency ke anusara, 'Ham arab gathabandhan ke saath apni pratibaddhata banaae rakheinge aur hamaare sainik tab tak vahaan raheinge jab tak gathabandhan apne lakshya ko haasil naheen kar leta hai. ' soodaan ke apadasth raashtrapati umar al-basheer ne 2015 mein yaman mein apni sena tainaat ki thi. Is kadam se soodaan ki videsh neeti mein bada badlaav aaya tha kyonki usane dashakon se sahayogi rahe Iran se apna sambandh khatm karke Saudi neet gathabandhan se haath mila liya tha. Is beech sankat se joojh rahe soodaan ke sangharsh prabhaavit kshetr darafur mein visthaapiton ke liye bane ek shivir mein hui jhadpon mein 14 logon ki maut ho gayi. Aadhikrik samaachaar agency ki khabar ke anusaar yeh jhadap shanivaar ko dakshin daarafur ke kalama shivir mein hui. Yahaan hajaaron ki sankhya mein visthaapit log rahate hain. Samaachaar samiti ne dakshin daarafur ke kaaryavaahak Governor general haashim khaalid ke havaale se somvaar ko kaha, 'Shanivaar ko kalama shivir ke andar hui jhadpon mein 14 logon ki jaan chali gayi. ' unhonne jhadap kis vajah se hui aur kin samoohon ke beech hui iski koi jaankaari naheen di hai. Khaalid ne kaha ki shivir mein hathiyaar hain aur aise samooh hain jo raajya ki suraksha ko prabhaavit karte hain. Bata dein ki sanyukt raashtra ke anusaar 2003 se ab tak lagbhag 3,00,000 log daarafur mein maare gaye hain aur anya 25 lakh log visthaapit hue hain.

Soodaan Ke Sainik Yaman Mein Bane Raheinge Sainya Parishad Ke Neta https://www.angrejinews.com/pic/268235