Soniya Ke Baad Priyanka Sanbhaaleingi Kamaan

Breaking »

Soniya Ke Baad Priyanka Sanbhaaleingi Kamaan

Nai Delhi. . Chaaron taraf se mushkil mein ghiri Congress ko ab ummeed ki ek nai kiran dikhne lagi hai. Kai kaangresiyon ko lagta hai ki is vakt party ki kamaan agar Rahul ki jagah Priyanka ko saunp di jaae to Congress apni khoi hui jameen fir se haasil kar legi. Kuchh to Priyanka mein indira Gandhi ka aks dekhte hain aur Priyanka ko soniya ka asli vaaris maanane lage hain. Party ke top leedar bhi Priyanka ko lekar sambhaavnaaen talaashane mein jut gaye hain. Soniya ka Priyanka par bharosa badhne laga hai. Dheere-dheere unhein raajaneetik jimmedaariyaan di ja rahi hain. Isi kram mein mangalvaar ko Priyanka Gandhi raayabareli mein apni nai jimmaderi sambhaalne waali hain. Rahul Gandhi ki raajaneetik aparipkvata se Congress ke bheetar kai savaal uth rahe hain. Kya Rahul ke bharose 2014 ke chunaav jeete ja sakte hain? Kya Rahul party mein sabko saath lekar chalne ki sthiti mein hain? In savaalon se ek savaal nikal kar saamane aaya hai ki agar Rahul naheen to soniya ke baad Congress ka netrutv kaun karega. Adhiktar kaangresiyon ko Priyanka, Rahul ke vikalp ke roop mein dikh rahi hain. Soniya ka bhi bharosa Priyanka par jyaada raha hai. Vah Priyanka ko nai jimmedaari saunp rahi hain. Mangalvaar se Priyanka Gandhi raayabareli ki jila nigraani samiti ke sadasya ki jimmedaari sanbhaaleingi. Raayabareli ki saansad hone ke naate soniya is samiti ki adhyaksh hain. Iske saath hi in atkalon ko ek baar fir hava mil gayi hai ki 2014 mein soniya ki jagah Priyanka Gandhi raayabareli se chunaav lad sakti hain. Sootron ki maanein to soniya ki bhi yahi ichha hai. Apni kharaab sehat ki vajah se soniya chunaavi raajaneeti se dheere-dheere doori banaana chaah rahi hain. Vah party mein apni bhoomika ek 'Suparavaaijr' ke roop mein rakhana chaahati hain. Gaurtalab hai ki pichhle saal ke vidhaanasabha chunaav mein raayabareli ki sabhi 5 seaton par Congress ka safaaya ho gaya tha. Uske baad se hi yahaan party ki kamaan Priyanka Gandhi ne sanbhaal li thi.

Soniya Ke Baad Priyanka Sanbhaaleingi Kamaan https://www.angrejinews.com/pic/4165