Soniya 'Ghamandi', Rahul 'Golden Spoon Modi

Breaking »

Soniya 'Ghamandi', Rahul 'Golden Spoon Modi

meingaluru/belagaam. . Karnataka mein paanch May ko hone vaale vidhaanasabha chunaav se pehle Congress par hamla bolte hue Gujarat ke mukhyamantri Narendra Modi ne guruvaar ko soniya par 'Ghamandi' hone ka aarop lagaaya, to Rahul Gandhi ko 'Mistar golden spoon' kah daala. Chunaav prachaar khatm hone mein sirf ek din baaki rahate BJP ne prachaar ke morche par apne postarabauya ko lagaaya hai. Corruption aur party mein bikhraav ko dekhte hue maana jaata hai ki BJP ke satta mein lautane ki ummeed kam hi bachi hui hai. Khabar hai ki chunaav mein utarane ke liye Modi ne pehle anichha dikhaai thi aur ravivaar ko Bengaluru mein ek rally ko sambodhit kiya tha. Party sootron ne kaha ki Bengaluru mein bheed ko dekhkar vah utsaahit hue aur aage bhi prachaar karne ki ichha jataai. Modi ne kaha, 'Mistar golden spoon (Rahul), aap yahaan aae aur kaha ki chaaron or 'Bhrashtaachaar' hai. Kya Delhi mein 'Shishtaachaar' hai ? ' soniya Gandhi ke baare mein Modi ne kaha, 'Soniya maidam, aap yahaan aain aur bade-bade bhaashan diye. . Lekin aapne moolya vruddhi ke mudde ko naheen chhuaa. Kya moolyavruddhi jvalant mudda naheen hai ? ' UPA ne vaada kiya tha ki satta mein aane ke sau dinon ke andar moolyavruddhi par kaaboo pa leinge lekin aisa naheen huaa aur Modi ne vahaan maujood logon se poochha, 'Kya iske liye unhein logon se maafi naheen maangani chaahiye? ' Modi ne soniya se kaha, 'Aap ek maan hain. Kya gareebon ki durdasha ke liye aapko aansoo naheen bahaane chaahiye? Unki bhaavanaaon ko shaant karne ke liye kya aap do shabd naheen kah sakti theen? Aisa aapke ahankaar ke kaaran hai, Congress ka ahankaar aasmaan chhoo raha hai. '

Soniya 'Ghamandi', Rahul 'Golden Spoon Modi https://www.angrejinews.com/pic/7451