Soniya Gandhi Ke Ghar Ke Baahar Sikh Aandolanakaariyon Ka Pradarshan

India »

Soniya Gandhi Ke Ghar Ke Baahar Sikh Aandolanakaariyon Ka Pradarshan

nai Delhi. . 1984 ke sikh virodhi dangon se jude ek maamale mein Congress ke poorv saansad sajjan Kumar ko court se bari kiye jaane se sikh samudaaya mein jabardast naaraajagi hai. Unka gussa thamane ka naam naheen le raha hai. Guruvaar ko badi sankhya mein sikh samudaaya ke logon ne Congress adhyaksh soniya Gandhi ke aavaas 10 Janpath ke paas pradarshan kiya. Congress adhyaksh ke ghar ke alaava saikadon pradarshanakaari Congress mukhyaalaya ke baahar bhi maujood hain. Pehle se ghoshit kaaryakram ke tahat Mansingh rod se March shuroo karne vaale pradarshanakaariyon ne naarebaaji ki aur aage badhne ke liye kuchh bairikeds ko tod diya. Haalaanki, soniya Gandhi ke aavaas ke paas rokakar unhein aage naheen jaane diya gaya. Kuchh pradarshanakaariyon ne taayaron mein aag laga di aur policekarmiyon ke saath haathaapaai bhi ki. Soniya ke ghar ke najadeek bhaari sankhya mein policekarmiyon ko tainaat kiya gaya tha. Pradarshanakaariyon ki maang hai ki soniya Gandhi sajjan Kumar ko bachaane ki koshish na karein aur unhein kadi saja dilaaen. Sikh pradarshanakaariyon ne sajjan Kumar ke saath-saath soniya Gandhi ka bhi putala foonka. Iske pehle Budhvaar ko bhi jagah-jagah sikh samudaaya ke log ne pradarshan kiya. Delhi mein subhaash nagar mein metro track par pahunch gaye aur chakkaajaam kar diya tha. Iske alaava desh mein kai jagahon par sikhon ne highway bhi jaam kiya. Adaalat ke faisale se naaraaj sikhon ka maanana hai ki sajjan Kumar ki bari karne ka nirnaya raajaneetik dabaav mein aaya hai. 29 saalon se insaaf ka intajaar kar rahe sikh samudaaya ke log is faisale se khud ko thaga hue mahasoos kar rahe hain. Gaurtalab hai ki court ka faisala sunaae jaane ke vakt ek shakhs ne judge par joota feinkane ki bhi koshish ki thi.

Soniya Gandhi Ke Ghar Ke Baahar Sikh Aandolanakaariyon Ka Pradarshan https://www.angrejinews.com/pic/7442