Sone Ki Vaayada Keematein Fislakar 26 Hajaar Par Pahunchi

Breaking »

Sone Ki Vaayada Keematein Fislakar 26 Hajaar Par Pahunchi

Nai Delhi: videshon mein sone ki keemat 15 saptaah ke nimn star tak girne ke baad kamjori ke rukh ke anuroop kaarobaari apne saudon ki kataan karne mein lag gaye, jisse vaayada kaarobaar mein aaj sone ki keemat 0.40 pratishat ki giraavat ke saath 26,205 rupaye prati 10 gram rah gayi. emaseeeks mein sone ke August delivery vaale anubandh ki keemat 104 rupaye athva 0.40 pratishat ki giraavat ke saath 26,205 rupaye prati 10 gram rah gayi, jismein 134 laut ke liye kaarobaar hua. isi prakaar sone ki June maheene mein delivery vaale anubandh ki keemat bhi 90 rupaye athva 0.33 pratishat ki giraavat ke saath 26,868 rupaye prati 10 gram rah gayi, jismein 778 laut ke liye kaarobaar hua. baajaar vishleshakon ne kaha ki videshi baajaaron mein kamjori ke rukh se yahaan vaayada kaarobaar mein sona keematein prabhaavit hui. unhonne kaha ki iske alaava dollar ki majabooti ne sarraafa ki appeal ko kam kar diya. vaishvik star par Singapore mein sone ki keemat aaj 0.30 pratishat ki giraavat ke saath 1,260.97 dollar prati auns rah gayi.

Sone Ki Vaayada Keematein Fislakar 26 Hajaar Par Pahunchi https://www.angrejinews.com/pic/51993