Sone Ki Keemat 11 Maheene Ke Sabse Nichle Leval Par

Business »

Sone Ki Keemat 11 Maheene Ke Sabse Nichle Leval Par

Nai Delhi sone ki keemat ghatkar 11 maheene ke sabse nichle star par pahunch gayi hai. Guruvaar ko 10 gram sone ki keemat 27 hajaar 500 rupaye par pahunch gayi. Chaandi ke bhaav mein bhi giraavat I hai. Ek kilo chaandi ki keemat 500 rupaye ghatkar 40,500 rupaye par aa gayi hai. Visheshagyon ke mutaabik ameriki arthavyavastha mein sudhaar ka asar Bhaarat mein najar aa raha hai. America ki kamjor arthavyavastha ke chalte jo log sone ke roop mein sef investameint kar rahe the, ab ve apna paisa sone se nikaalkar doosari jagahon par laga rahe hain. Is vajah se sone ki maang ghat rahi hai. Cheen mein bhi maang ghati hai. Antararaashtreeya baajaaron mein bhi sone ki keemat ghati hai. New yaurk markantaail exchange mein August ke liye hue fyoochar saudon mein sone ki keemat mein 0.06 feesadi tak ki giraavat dekhi gayi. Bhaarat mein Narendra Modi ki sarkaar banane ke baad niveshakon ko ummeed hai ki sone ke inport par paabandiyaan kam hongi. Narendra Modi ne chunaav prachaar ke dauraan apne bhaashanon mein kai baar sone ke aayaat ka mudda uthaaya tha aur UPA sarkaar par sone ki taskari badhaane ka aarop lagaaya tha. Guruvaar ko share baajaaron mein bhi giraavat ka rukh raha. Sensex 322 pauints girkar 24234 par band hua jabki naishanal stock exchange ka Nifty 94 pauints neeche 7235 par aa gaya.

Sone Ki Keemat 11 Maheene Ke Sabse Nichle Leval Par https://www.angrejinews.com/pic/52135