Sona Saat Maheene Mein Pehli Baar 30,000 Rupaye Ke Star Se Neeche

Business »

Sona Saat Maheene Mein Pehli Baar 30,000 Rupaye Ke Star Se Neeche

Nai Delhi: Vaishvik mandi ki vajah se bhaari bikvaali ke kaaran pichhle saptaah sone ki keemat saat maheenon mein pehli baar 30,000 rupaye ke star se neeche chala gaya, jabki satr ke antim daur mein nichle star par livaali ke kaaran haani kuchh kam ho gayi. Guruvaar ko sone ki keemat ghatkar 29,720 rupaye prati 10 gram rah gayi thi, jo star 21 July, 2012 ke baad dekhne ko naheen mila tha. Chaandi ki keemat bhi 54,550 rupaye ke nichle star tak ludhkane ke baad 1,330 rupaye ki giraavat ke saath 55,200 rupaye prati kigra rah gayi. Vaishvik star par aarthik morche par sakaaraatmak sanket ne vaikalpik nivesh ke roop mein sone ki appeal ko kam kar diya, jis kaaran vahaan sona saat maah ke nichle star par chala gaya. Is sthiti ko dekhte hue staukiston dvaara apne saudon ki kataan karne se kaarobaari dhaarana mand ho gayi. Is saptaah sone mein 2.3 pratishat ki aur chaandi mein 4.5 pratishat ki giraavat I. Ghareloo morche par sona 99.9 aur 99.5 shuddhata ki shuruaat kamjor yaani 30,400 rupaye aur 30,200 rupaye par hui tatha vaishvik baajaaron mein bhaari giraavat ko dekhte hue staukiston ki bhaari bikvaali se kramash: 29,720 rupaye aur 29,520 rupaye prati 10 gram ke nichle star ko chhoo gaya.

Sona Saat Maheene Mein Pehli Baar 30,000 Rupaye Ke Star Se Neeche https://www.angrejinews.com/pic/2697