Sona 20 Maheene Ke Nichle Star Par, Bhaari Giraavat Ke Baad Halka Chadha

Business » Sunday, April 21, 2013

Nai Delhi. . Staakiston ki bhaari bikvaali se beete hafte Delhi sarraafa baajaar mein sona 20 maah ke nichle star par aa gaya. Vaishvik baajaaron mein sone mein pichhle teen dashak ki sabse badi giraavat I. Haalaanki, veekeind par kuchh sudhaar se sone ki haani kuchh kam hui. Isse pichhle shanivaar ko sone mein ek din ki sabse badi 1,250 rupae ki giraavat I thi. Iske baad sona aur neeche ludhkakar 26,350 rupae prati 10 gram par aa gaya. Yah 16 August, 2011 ke baad sone ka sabse nichla star hai. Is bahumoolya dhaatu mein bikvaali dabaav se 1983 ke baad ki sabse badi giraavat darj hui. Is tarah ki atkalein hain ki saaipras ke keindreeya bank ke baad kai Europeeya desh ke bank bhi apne reserve sone ka bhandaar bech sakte hain, jisse arthavyavastha mein kuchh sudhaar aa sake. 16 April ko videshi baajaaron mein sona girkar 1,321.95 dollar prati auns par aa gaya, jo iski pichhle teen dashak ki sabse badi giraavat hai. Shukravaar ko yahaan raamanavami ke avsar par baajaar band rahe. Is beech, sarkaar ne vaishvik baajaar mein keematon mein giraavat dekhte hue sone aur chaandi ka shulk moolya ghataakar kramash: 449 dollar prati 10 gram aur 762 dollar prati kilo kar diya. Saptaah ke dauraan raashtreeya rajdhani mein sona 99.9 aur 99.5 pratishat (shuddhata) bhaari nuksaan ke saath khula aur girkar 26,350 aur 26,150 rupae prati 10 gram par aa gaya. Baad mein majaboot hote vaishvik rujhaan ke beech nichle star par khareedaari se yah 27,100 aur 26,900 rupae prati 10 gram ke star tak majaboot huaa. Haalaanki, abhi bhi yah pichhle hafte ke band star se 1,250 rupae kam hai. Sona ginni mein bhi giraavat rahi aur saptaah ke dauraan yah 800 rupae ghatkar 24,000 rupae prati aath gram par rahi. Saptaah ke dauraan chaandi mein 4,800 rupae ki giraavat I aur saaptaahik dilivri 5,480 rupae ki giraavat ke saath 43,300 rupae prati kilogram par aa gayi.