Sona 1300 Rupaye Ludhkakar 27 Hajaar Ke Neeche

Business »

Sona 1300 Rupaye Ludhkakar 27 Hajaar Ke Neeche

Nai Delhi. . Sone ki keematon mein bhaari giraavat ka daur jaari hai. Somvaar ko sona 27 hajaar ke neeche fisl gaya. 1300 rupaye prati 10 gram ki jabardast giraavat ke saath ab yah 26,450 par hai. Global market mein tej giraavat ke beech staukiston ki taabadtod bikvaali se sone mein giraavat darj ki ja rahi hai. Videshi baajaaron mein sone ki keemat pichhle 2 saal ke nichle star par aa gayi hai. Gaurtalab hai ki shanivaar ko sone mein 1,250 rupaye prati 10 gram ki giraavat darj ki gayi thi. Is tarah sone ne pichhle teen dinon mein 2600 se jyaada ki giraavat dekhi hai. Isse jahaan khareedadaaron ke cheharon par chamak laut I hai, vaheen niveshakon mein hadkanp macha huaa hai. Padhein: Sone mein uchhaal khatm, giraavat ke liye taiyaar rahein malti-kamoditi exchange par June ke liye gold dilivri 825 rupae kam hokar 27100 rupae/10 gram ho gayi. Yah pichhle saal March se ab tak ka sabse nichla star hai. August ke liye sone ki dilivri 2.99 feesadi yaani 850 rupae ludhkakar 27493 rupae/10 gram ho gayi. Shanivaar ko sona 1250 rupae/10 gram ki rekaurd giraavat ke baad 28350 rupae tak pahunch gaya tha. Ainaalist sone ki keematon mein giraavat ke liye fyoochar trade mein bikvaali ko jimmedaar maanate hain. Singapore mein sona 3.9 feesadi ludhkakar 1425.75 ameriki dollar/aauns par pahunch gaya, jo ki April 2011 ke baad se sabse nichla star hai.

Sona 1300 Rupaye Ludhkakar 27 Hajaar Ke Neeche https://www.angrejinews.com/pic/5627