Somaaliya Ke Supreme Court Par Hamla, 16 Ki Maut

World »

Somaaliya Ke Supreme Court Par Hamla, 16 Ki Maut

Mogaadishoo. . Al-shabaab ke nau islaami kattarpanthi ravivaar ko somaaliya ke Supreme court kainpas mein ghus gaye aur suraksha balon ke saath do ghante chali muthabhed mein unhonne jamkar goleebaari ki. Jyaadaatar hamlaavaron ne aatmaghaati jacket pahane hue the. Filhaal nau hamlaavaron sahit 16 logon ke maare jaane ki soochana hai. Rajdhani se August 2011 mein khadede jaane ke baad al-shabaab ka mogaadishoo mein yah sabse bada hamla tha. Pichhle kuchh saalon ke mukaabale al-shabaab ka niyantran desh ke kaafi chhote bhaag tak simat kar rah gaya hai, lekin ravivaar ko hue is hamle ne yah saabit kar diya hai ki charampanthi samooh abhi bhi yojanaabaddh hamle karne mein saksham hai. Police adhikaari hasan abdulaahi ne bataaya ki unhonne court ke men gate par paanch shav pade dekhe hain.

Somaaliya Ke Supreme Court Par Hamla, 16 Ki Maut https://www.angrejinews.com/pic/5531