Soharaabuddeen Shekh Enakaauntar Ab Rajasthan Ke Poorv Gruh Mantri Par FIR

India »

Soharaabuddeen Shekh Enakaauntar Ab Rajasthan Ke Poorv Gruh Mantri Par FIR

nai Delhi/Jaipur. . Soharaabuddeen shekh farji enakaauntar case ki aanch Gujarat se hote hue Rajasthan pahunch gayi hai. Raajya mein BJP ke varishth neta aur vidhaanasabha mein neta vipaksh gulaab chand kataariya par CBI maamale mein FIR darj ki gayi hai. 2005 mein soharaabuddeen shekh ke farji enakaauntar ke vakt kataariya hi Rajasthan ke gruhamantri the. Aisa bataaya ja raha hai ki enakaauntar maamale mein jail mein band Rajasthan ke police adhikaariyon ne CBI poochhataachh mein kataariya ka naam liya hai. Adhikaariyon ne CBI ke saamane kabool kiya hai ki soharaabuddeen shekh enakaauntar maamale mein kataariya ne hi unhein nirdesh diye the. Adhikaariyon se poochhataachh ke baad kataariya se bhi CBI ne poochhataachh ki hai aur is silsile mein unhein ek baar Ahmedabad bhi bulaaya gaya tha. Soharaabuddeen shekh farji enakaauntar maamale mein Rajasthan ke poorv gruhamantri ka naam aane ke baad BJP ke liye ek aur sirdard paida ho gaya hai. Ab kataariya ka naam CBI chargesheet mein hai aur unhein bayaan dene ke liye saman jaari kiya gaya hai. Majistreti adaalat ne CBI dvaara 500 prushthon ka poorak chargesheet daayar kiye jaane ke baad kataariya aur teen anya ko apne samaksh pesh hone ke liye saman jaari kiye. Kataariya ke ke chaar June ko adaalat mein pesh hone ki ummeed hai. CBI ne kataariya ke alaava Andhra pradesh ke aaiji (guptachar) N baalasubramanyam, aar ke maarbal ke nideshak viml patani aur Andhra pradesh ke anya police adhikaari ji shreenivaas Rao ke khilaaf hatya, apaharan, galat dhang se rokakar rakhane aur saboot gaayab karne se sambandhit dhaaraaon ke tahat aarop lagaaya hai. Gaurtalab hai ki jis vakt soharaabuddeen shekh ko enakaauntar mein maara gaya tha, Gujarat aur Rajasthan donon hi raajyon mein BJP satta mein thi. Donon raajyon ki seema par hui is ghatna ne desh ki raajaneeti ko hilaakar rakh diya tha. Us vakt Gujarat ke gruhamantri rahe amit shaah pehle hi maamale mein jail ja chuke hain.

Soharaabuddeen Shekh Enakaauntar Ab Rajasthan Ke Poorv Gruh Mantri Par FIR https://www.angrejinews.com/pic/8586