'Soharaabuddeen Case Mein Chargesheet Ki Raajaneeti

India »

'Soharaabuddeen Case Mein Chargesheet Ki Raajaneeti

vishesh samvaadadaata . Nai Delhi soharaabuddeen farji enakaauntar maamale mein Gujarat ke baad ab Rajasthan ke ek poorv mantri ko shak ke ghere mein laane waali CBI ki saplimeintari chargesheet ko BJP ne raajaneeti se prerit bataaya hai. Usaka kehna ki vah apne in netaaon ko na sirf kaanooni balki raajaneetik samarthan bhi deti rahegi. Is tarah CBI ka durupayog karne se BJP ko koi pareshaani naheen hogi balki isse use laabh hi hone vaala hai. Gaurtalab hai ki CBI ki chargesheet mane pehle Gujarat ke poorv mantri amit shaah ka naam tha aur ab saplimeintari chargesheet mein CBI ne Rajasthan ke poorv gruhamantri aur ab vipaksh ke neta gulaab chand kataariya ka naam shaamil kiya hai. BJP adhyaksh Rajnath Singh, Rajyasabha mein vipaksh ke neta arun jetali aur Rajasthan BJP adhyaksh vasundhara raaje sindhiya ne jauint press conference mein kataariya ka jamkar bachaav kiya. Rajnath ne daava kiya ki kataariya ke khilaaf CBI ke paas koi saboot naheen hai. Mahaj ek suniyojit shadyantr ke tahat unhein fansaaya ja raha hai. BJP neta arun jetali ne aarop lagaaya ki soharaabuddeen maamale mein pehle Gujarat ke bildaron ka jhagada bataaya gaya tha aur baad mein amit shaah ka naam ghaseeta gaya. CBI chargesheet ko antarvirodhon se bhara bataate hue jetali ne kaha ki amit shaah ke khilaaf bhi maamale mein tathya naheen nikle, jiski vajah se unhein jamaanat mil gayi. Yahi sthiti raajeindr Rathore ke maamale mein thi aur ab us maamale ki appeal peinding hai. Unhonne CBI par alag-alag maamalon mein alag paimaane ka istemaal karne ka aarop lagaate hue kaha ki ek or railmantri pavan bansal se poochhataachh bhi naheen hui hai aur CBI director ne ab akhbaaron mein interview dekar yah kehna shuroo kar diya hai ki CBI ke paas railmantri ke khilaaf koi thos saboot naheen hai. BJP neta ne kaha ki jis tarah se CBI director hi sarkaar ke bachaav mein kood gaye hain, usase ab CBI se yah ummeed naheen hai ki vah sahi tareeke se jaanch karegi.

'Soharaabuddeen Case Mein Chargesheet Ki Raajaneeti https://www.angrejinews.com/pic/8755