Social Media Kanteint Ko Lekar Jaagruk Karegi Sarkaar

India »

Social Media Kanteint Ko Lekar Jaagruk Karegi Sarkaar

pras . Nai Delhi : Sarkaar logon ko social media par sanyamit hokar baatcheet karne ke baare mein jaagruk karegi. Sootron ke mutaabik, pichhle dinon hom ministar aur ministri of IT ke top adhikaariyon ke beech is baare mein ek meeting hui thi. Meeting mein aise haalaat se nibatne par vistaar se charcha hui thi. Ismein tay kiya gaya ki pehle charan mein social media par sarkaar ki or se aakraamak abhiyaan chalaaya jaaega. Iske tahat social media platform par logon se sanyamit hokar kanteint likhne aur bhraamak soochana dene vaalon ke khilaaf kis tarah kaarravaai ho sakti hai, is baare mein jaagruk kiya jaaega. Agale 10 dinon mein is abhiyaan ko shuroo kar dene ki yojana hai. Iske baad mili pratikriyaaon ke aadhaar par aage ki rananeeti tay ki jaaegi. Gaurtalab hai ki social media par het kanteint aur is vajah se saamane aa rahe khatarnaak prabhaav se nibatne mein sarkaar ko kaafi pareshaani ho rahi hai. Chand logon ki sharaarat ke kaaran social media par ankush lagaane ki pichhli koshish na sirf naakaam hui thi balki use chautarafa aalochna ka saamana karna pada tha.

Social Media Kanteint Ko Lekar Jaagruk Karegi Sarkaar https://www.angrejinews.com/pic/6178